అమ్మతనం మనలో ఎన్నో మార్పులు తీసుకొస్తుంది. ఈ దశలో అటు శారీరకంగానే కాదు.. ఇటు సౌందర్యపరంగానూ పలు మార్పులు రావడం మనం గమనించచ్చు. ముఖ్యంగా ముఖంపై మొటిమలు-మచ్చలు, చర్మంపై పిగ్మెంటేషన్‌-స్ట్రెచ్‌ మార్క్స్‌, విపరీతంగా జుట్టు రాలిపోవడం.. ఇలా కొత్తగా తల్లైన వారు అందం పరంగా వివిధ రకాల సమస్యల్ని ఎదుర్కొంటుంటారు. బిడ్డ పుట్టాక తల్లుల శరీరంలో ఈస్ట్రోజెన్‌, ప్రొజెస్టిరాన్‌.. వంటి హార్మోన్ల స్థాయులు ఒక్కసారిగా పడిపోవడమే ఇందుకు కారణమంటున్నారు నిపుణులు. అలాగని ఈ సమస్యల్ని పరిష్కరించుకోలేమా అంటే? అందుకు చిన్న చిన్న చిట్కాలను పాటించాలని సూచిస్తున్నారు. మరి, అవేంటో మనమూ తెలుసుకుందాం రండి...

పచ్చపచ్చటి తోరణాలతో, రంగురంగుల పూలతో.. ముంగిళ్లన్నీ అలంకరించుకుని ముగ్ధమనోహరంగా ముస్తాబయ్యే తరుణమే 'ఉగాది'. మరి ఈ రోజున కొందరు కొత్త పనులకు శ్రీకారం చుడితే, మరికొందరు రాశిఫలాలు చూసుకోవడంలో బిజీ అయిపోతారు. అంతేనా..! ఉగాది పండగ స్పెషల్ 'ఉగాది పచ్చడి' రుచిని ఎప్పుడెప్పుడు ఆస్వాదిస్తామా..? అని ఉబలాటపడుతుంటారు. మరి దీనికి అంతటి రుచిని అందించిన షడ్రుచులు.. కేవలం దాని రుచిని ద్విగుణీకృతం చేయడమే కాదు.. మన అందాన్నీ మరింతగా పెంచుతాయి.. ఏంటీ ఆశ్చర్యంగా ఉందా? అయితే అదెలాగో తెలియాలంటే ఇదోసారి చదవాల్సిందే!

మేడమ్‌.. నా ముఖం, మెడ భాగంలో నల్లగా, జిడ్డుగా ఉంటోంది. చాలా ఫేస్‌ క్రీమ్స్‌ వాడాను. అయినా ఎలాంటి ఫలితం ఉండడం లేదు. ఇది ఇలానే పెరిగిపోతుందేమోనని భయంగా ఉంది. దీనికి పరిష్కారం ఏమిటి? - ఓ సోదరి

‘సర్వేంద్రియానాం నయనం ప్రధానం’ అన్నట్లు మన శరీరంలో కళ్లకు ఎంతో ప్రాధాన్యముంది. అయితే ఈ ఉరుకుల పరుగుల జీవితంలో పడి చాలామంది తమ కంటి సంరక్షణను పెద్దగా పట్టించుకోవడం లేదు. కొంతమందికి కళ్ల కింద నల్లటి వలయాల్లాంటి మచ్చలు ఉంటే, మరికొంతమందికి కళ్ల కింద చర్మం ఉబ్బినట్లు కనిపిస్తుంది. సరైన నిద్రలేకపోవడం, ఎక్కువ సమయం కంప్యూటర్‌పై గడపడం, టీవీ ఎక్కువగా చూడడం, పదే పదే కాఫీ-టీలు తాగడం, ఎక్కువ ఒత్తిడి, ఆందోళనకు గురికావడం, పోషకాహార లోపం...ఇవన్నీ కంటి సమస్యలకు కారణమవుతున్నాయి. మరీ ముఖ్యంగా ఉబ్బిన కళ్లు అమ్మాయిలను అందవిహీనంగా మార్చేస్తున్నాయి. మరి, ఇలాంటి సమస్య నుంచి బయటపడే మార్గాలేంటో తెలుసుకుందామా?!

వేసవి అంటేనే సమస్యల వలయం. ఈ కాలంలో వడదెబ్బ, డీహైడ్రేషన్.. వంటి ఆరోగ్య సమస్యలే కాదు.. పలు చర్మ సంబంధిత సమస్యలూ ఎదురవుతుంటాయి. ముఖ్యంగా జిడ్డు చర్మం, మొటిమలు, వేడి వల్ల చర్మం పొడిబారడం.. ఇలా ఈ సీజన్‌లో ఉండే సమస్యలు ఎన్నో..! వీటన్నింటి నుంచి విముక్తి పొందడానికి చాలామంది చాలా రకాల ప్రయత్నాలే చేస్తుంటారు. ఈ క్రమంలో పార్లర్ల చుట్టూ తిరగడం, తమకు తెలిసిన సహజసిద్ధమైన చిట్కాలు పాటించడం.. ఇలాంటివీ అందులో కొన్ని. అయితే ఇలాంటి చర్మ సంబంధిత సమస్యల్ని అధిగమించాలంటే ముందు వేడి నుంచి బయటపడాలంటున్నారు సౌందర్య నిపుణులు. ఇందుకోసం సౌకర్యవంతంగా, వదులుగా ఉండే దుస్తుల్ని ధరించడం మాత్రమే కాదు.. సౌందర్య సంరక్షణపై కూడా దృష్టి పెట్టాలంటున్నారు.

ఇతర సీజన్లతో పోల్చుకుంటే వేసవిలో చర్మ సంరక్షణ విషయంలో మరింత జాగ్రత్తగా ఉండాలి. ఎందుకంటే సూర్యరశ్మి ప్రభావం వల్ల చర్మం జిడ్డుగా మారిపోవడం, కందిపోవడం, మంట పుట్టడం, అలర్జీలు-ముడతలు రావడం.. వంటి సమస్యలు ఎదురవుతుంటాయి. ఇక శరీరంలో నీటిశాతం తగ్గినప్పుడు చర్మం కూడా పొడిబారిపోయి నిర్జీవంగా కనిపిస్తుంటుంది. ఇదిగో ఈ సమస్యకు ఓ అద్భుతమైన చిట్కాను పాటిస్తున్నానంటూ అదేంటో మనందరి ముందుకు తీసుకొచ్చింది బాలీవుడ్‌ బ్యూటీ అతియా శెట్టి.

జుట్టు సిల్కీగా ఉన్న వారికి కర్లీగా ఉంటే బాగుంటుందనిపిస్తుంది.. అదే కర్లీ హెయిర్‌ ఉన్న వాళ్లేమో ‘ఈ చింపిరి జుట్టు నా వల్ల కాదు బాబోయ్‌..’ అంటూ సిల్కీ జుట్టును కోరుకుంటారు. నిజానికి ఎవరి జుట్టు తత్వం వారికి నచ్చదు.. ఈ క్రమంలో ఆయా కాలాల్లో ఎదురయ్యే కొన్ని జుట్టు సమస్యలు కూడా ఇందుకు ఓ కారణమని చెప్పచ్చు. అయితే సిల్కీ హెయిర్‌ సంగతి కాసేపు పక్కన పెడితే.. కర్లీ హెయిర్‌ ఉన్న వాళ్లు ఈ వేసవిలో దాన్ని మెయింటెయిన్‌ చేయడం కష్టమే! ఎందుకంటే ఉంగరాల జుట్టు సాధారణంగానే పొడిగా ఉంటుంది.. అలాంటిది ఈ సీజన్‌లో వాతావరణంలో వేడి పెరిగే కొద్దీ హ్యుమిడిటీ కూడా పెరుగుతుంది. ఇది జుట్టును మరింత పొడిబారిపోయేలా చేస్తుందంటున్నారు సౌందర్య నిపుణులు. అందుకే కర్లీ హెయిర్‌ ఉన్న వారు వేసవిలో మరిన్ని జాగ్రత్తలు తీసుకోవాలని సూచిస్తున్నారు. మరి, ఆ టిప్స్‌ ఏంటో మనమూ తెలుసుకుందామా?!

ప్రసవానంతరం చాలామంది స్త్రీలు ఎక్కువగా ఎదుర్కొనే అతి సాధారణ సమస్య - స్ట్రెచ్‌మార్క్స్. అలాగని కేవలం డెలివరీ అయిన వాళ్లకే ఈ సమస్య ఎదురవుతుందనుకోవడం పొరపాటు. ఎందుకంటే బరువులో హెచ్చుతగ్గులు, పని ఒత్తిడి వల్ల కూడా చర్మం సాగి స్ట్రెచ్‌మార్క్స్ వస్తుంటాయి. ఒక్కోసారి వీటి వల్ల నచ్చినట్లు డ్రస్సింగ్ కూడా చేసుకోలేం. అయితే ఈ సమస్యకి ఇంట్లో లభించే వస్తువులతోనే సులువైన పరిష్కారాలు లభిస్తాయంటే నమ్ముతారా? నిజమండీ.. అవేంటో చూద్దాం రండి..

విపరీతంగా జుట్టు రాలుతోందా? ఎన్ని జాగ్రత్తలు తీసుకున్నా పదే పదే వెంట్రుకలు పొడిబారిపోతున్నాయా? వాతావరణ పరిస్థితులతో సంబంధం లేకుండా చుండ్రు సమస్య వేధిస్తోందా? అయితే ఇలాంటి కేశ సౌందర్య సమస్యలన్నింటికీ చెక్‌ పెట్టే అద్భుత సాధనం మసాజ్‌ అంటున్నారు ప్రముఖ సెలబ్రిటీ పోషకాహార నిపుణురాలు రుజుతా దివేకర్‌. ఈ క్రమంలో వారానికోసారి హెయిర్‌ మసాజ్‌ చేసుకోవడం వల్ల కుదుళ్లకు దృఢత్వాన్ని చేకూర్చడంతో పాటు జుట్టు ఆరోగ్యాన్ని సైతం పెంపొందించుకోవచ్చని చెబుతున్నారు. అంతేకాదు.. ఇందుకోసం నూనెను ఎలా తయారుచేసుకోవాలి? మసాజ్‌ ఎలా చేసుకోవాలో వివరిస్తూ ఇటీవలే ఇన్‌స్టాలో ఓ సుదీర్ఘ పోస్ట్‌ పెట్టారామె.

సిల్కీ హెయిర్‌ అయినా, ఉంగరాల జుట్టైనా, అలల్లాంటి ముంగురులైనా.. ఇలా ఎలాంటి జుట్టున్న వారైనా సరే.. తలస్నానం చేసే విషయంలో అందరూ ఒకే పద్ధతిని అనుసరిస్తుంటారు. ఈ క్రమంలో కొందరు రెండు, మూడు రోజులకోసారి తలస్నానం చేస్తే.. మరికొందరు వారానికోసారి మాత్రమే తలస్నానం చేస్తుంటారు. కానీ.. జుట్టు రకాన్ని బట్టి తలస్నానం చేసే విషయంలో పలు జాగ్రత్తలు తీసుకోవాలని చెబుతున్నారు నిపుణులు. ఫలితంగా కుదుళ్లు బలహీనపడడం, జుట్టు పొడిబారడం, చిట్లిపోవడం.. వంటి సమస్యలు తలెత్తకుండా జాగ్రత్తపడచ్చని వారు సూచిస్తున్నారు. మరి, జుట్టు రకాన్ని బట్టి తలస్నానం చేసే విషయంలో ఎలాంటి జాగ్రత్తలు తీసుకోవాలి? రండి.. తెలుసుకుందాం..

కళ్ల కింద నల్లటి వలయాలు.. చాలామందిని వేధించే సమస్య. పిల్లలు.. పెద్దలు.. అనే తేడా లేకుండా ఏ వయసు వారికైనా ఈ సమస్య ఎదురు కావచ్చు. నిద్ర సరిగ్గా లేకపోవడం, ఎక్కువ సమయం కంప్యూటర్‌పై గడపడం, టీవీ ఎక్కువగా చూడటం, పదేపదే కాఫీ తాగడం, ఎక్కువ ఒత్తిడికి గురికావడం, పోషకాహారలోపం.. మొదలైనవన్నీ కళ్ల కింద నల్లటి వలయాలు ఏర్పడటానికి కారణాలే. మరి వీటిని తగ్గించుకునే మార్గాల్లేవా? అంటే ఉన్నాయి.. అవేంటో చూద్దామా??

హాయ్ మేడం. నేను ఏదైనా ఫేషియల్ చేయించుకున్నాక లేదా స్నానం చేశాక చామన ఛాయ రంగులో కనిపిస్తాను. ఆపై మూడు నాలుగ్గంటల తర్వాత మళ్లీ నల్లగా కనిపిస్తాను. ఆకలి వేసినా నా స్కిన్ కలర్ మారిపోతుంటుంది. స్కిన్ వైటెనింగ్ కోసం బీట్‌రూట్ తింటున్నా. దీనివల్ల ఏమైనా ఉపయోగం ఉంటుందా? అలాగే ఉదయం నా చర్మం బాగానే ఉంటుంది.. కానీ సాయంత్రానికల్లా తిరిగి జిడ్డుగా మారిపోతుంది. జిడ్డుదనం తగ్గాలన్నా, నేను తెల్లబడాలన్నా ఏదైనా పరిష్కార మార్గం ఉంటే చెప్పండి. - ఓ సోదరి

ముఖం కాస్త జిడ్డుగా ఉంటేనే దాన్ని వదిలించుకోవడానికి పదే పదే కడుక్కుంటాం. అలాంటిది నూనెతో ముఖాన్ని శుభ్రపరచుకోవడమంటే అదేదో వింతగా చూసి ఆమడదూరం పరిగెత్తుతాం. నిజానికి ఆయిల్‌ క్లెన్సింగ్‌తో చర్మానికి అనేక ప్రయోజనాలున్నాయని చెబుతున్నారు సౌందర్య నిపుణులు. ముఖంపై మొటిమల్ని తగ్గించడం దగ్గర్నుంచి చర్మ ఛాయను పెంచే దాకా; మేకప్‌ను తొలగించడం దగ్గర్నుంచి చర్మానికి తేమనందించే దాకా.. ఇలా చెప్పుకుంటూ పోతే ఈ సౌందర్య పద్ధతితో ప్రయోజనాలు బోలెడన్ని ఉన్నాయి. మరి, ఇంతకీ ముఖంపై పేరుకున్న నూనెల్ని తొలగించడం తెలుసు కానీ ఏకంగా నూనెతోనే ముఖాన్ని ఎలా శుభ్రం చేసుకుంటారు? అందుకోసం ఏయే నూనెల్ని ఉపయోగించచ్చు? ఈ పద్ధతి ద్వారా ఇంకా ఎలాంటి ప్రయోజనాలు చేకూరతాయి? తెలుసుకోవాలంటే ఇది చదవాల్సిందే!

పచ్చపచ్చని ప్రకృతి సౌందర్యానికే కాదు.. దాన్ని తలదన్నే అందాల రాశులున్న అద్భుతమైన నగరాల్లో బ్రెజిల్ ఒకటి. లేలేత చర్మం, వెండి వెన్నెలను తలపించే ముఖం, జాలువారే కురులు, సోగకళ్లు.. వీటన్నింటికీ కేరాఫ్ అడ్రస్‌గా నిలుస్తుంటారు అక్కడి ముద్దుగుమ్మలు. అందుకే ప్రపంచంలోనే అత్యుత్తమమైన సూపర్ మోడల్స్ ఉన్న దేశంగా బ్రెజిల్‌ను పేర్కొంటారు. అడ్రియానా లిమా, అలెసాండ్రా ఆంబ్రోసియో, గిసెల్లే బుండ్‌చెన్.. తదితరులు ఆ కోవకు చెందిన వారే. మరి, వారు ఇంత అందంగా ఉండడానికి రోజూ ఎక్కువ సమయాన్ని పార్లర్‌కి కేటాయించడం, బోలెడంత డబ్బు ఖర్చు పెట్టి సౌందర్య చికిత్సలు చేయించుకోవడమేనేమో.. అనుకుంటే పొరపడినట్లే!! ఎందుకంటారా.. ప్రకృతి ప్రసాదించిన ఎన్నో పదార్థాలనే తమ అందాన్ని పరిరక్షించుకోవడానికి ఉపయోగిస్తుంటారు బ్రెజిలియన్ మహిళలు. అందుకే వయసు పెరుగుతోన్నా వన్నె తరగని అందంతో అందరినీ కట్టిపడేస్తున్నారు. మరి, బ్రెజిలియన్ భామల సౌందర్య రహస్యాలేంటో మనమూ తెలుసుకుందామా.. అయితే రండి..

అందమంటే మనందరికీ ముందుగా గుర్తొచ్చేది ముఖ సౌందర్యమే. ఈ క్రమంలో జుట్టు, గోళ్లు, పాదాల్ని మనం పెద్దగా పట్టించుకోం. కానీ నఖశిఖపర్యంతం అందంగా ఉన్నప్పుడే అది సంపూర్ణ సౌందర్యమవుతుంది.. అంటున్నారు డొమినికన్ రిపబ్లిక్ దేశానికి చెందిన ముద్దుగుమ్మలు. జుట్టు దగ్గర్నుంచి కొనగోటి వరకు తాము అందంగా మెరిసిపోవడానికి ప్రాధాన్యమిస్తామని, అందుకోసం పార్లర్ల వెంట పరుగులు తీయడం కాకుండా ఇంట్లో లభించే సహజసిద్ధమైన సౌందర్య ఉత్పత్తుల్నే వినియోగిస్తామని చెబుతున్నారు. అలాంటి అందమే ఎప్పటికీ శాశ్వతంగా ఉండిపోతుందని ఇతర దేశాల మగువలందరికీ బ్యూటీ పాఠాలు నేర్పుతున్నారు. మరి, డొమినికన్ అతివల న్యాచురల్ బ్యూటీ వెనకున్న ఆ సీక్రెట్లేంటో మనమూ తెలుసుకుందాం రండి..

అందం విషయంలో అమ్మాయిలకున్న సమస్యేదైనా ఉందంటే అది మొటిమలే! ముఖంపై ఒక మొటిమ వస్తే చాలు.. దాన్ని పూర్తిగా తొలగించుకునే దాకా నిద్రే పట్టదు. గిల్లుతూ, ఏవేవో క్రీమ్స్ రాసుకుంటూ లేదంటే ఇంటి చిట్కాలు పాటిస్తూ ఎలాగోలా మొత్తానికి మొటిమల్ని దూరం చేసుకుంటుంటారు. అయితే ఈ సమస్య నుంచి విముక్తి పొందడానికి అంతగా కష్టపడక్కర్లేదంటోంది బాలీవుడ్‌ అందాల తార శ్రద్ధా కపూర్‌. ఒక చిన్న చిట్కాతో మొటిమల్ని తొలగించుకోవచ్చంటోంది. తానూ అదే టిప్‌ పాటిస్తానంటూ ఇటీవలే ఓ సందర్భంలో పంచుకుంది శ్రద్ధ. మరి, ఇంతకీ మొటిమల్ని మాయం చేసేందుకు శ్రద్ధ చెప్పిన ఆ బ్యూటీ టిప్‌ ఏంటో మనమూ తెలుసుకుందామా?

మనం అందంగా మెరిసిపోవడంలో జుట్టుదీ కీలకపాత్రే అనడంలో ఎలాంటి సందేహం లేదు. అందుకే చాలామంది ఒత్త్తెన కేశసంపద కోసం ఆరాటపడుతుంటారు. అయితే వాతావరణంలోని పలు మార్పుల వల్ల జుట్టుపై ప్రతికూల ప్రభావం పడి, తద్వారా దాని ఆరోగ్యం దెబ్బతింటుంది. చలికాలంలోనైతే ఈ సమస్య మరింత తీవ్రంగా ఉంటుంది. ఈ చలిగాలులకు సాధారణ జుట్టే పొడిగా మారుతుందనుకుంటే.. ఇక నార్మల్‌గానే డ్రైగా అనిపించే కర్లీ హెయిర్ ఈ కాలంలో మరింత పొడిబారిపోతుంది. ఫలితంగా చుండ్రు, చివర్లు చిట్లిపోవడం, జుట్టు బాగా వూడిపోవడం.. వంటి పలు సమస్యలు తలెత్తుతాయి. మరి, ఈ కాలంలో వాటన్నింటి నుంచి దూరంగా ఉంటూ మన అందాన్ని పెంచే రింగుల జుట్టును కాపాడుకోవాలంటే కొన్ని చిట్కాలు పాటించాల్సిందే అంటున్నారు సౌందర్య నిపుణులు.. అవేంటో తెలుసుకుందామా..

ఎన్నిసార్లు కడిగినా మీ చర్మం కాసేపటి తర్వాత మళ్లీ జిడ్డుగా మారుతోందా?? చర్మంపై పడిన దుమ్ము, ధూళి వల్ల రకరకాల చర్మ సమస్యలు తలెత్తుతున్నాయా?? ముఖంపై బ్లాక్‌హెడ్స్ బాధపెడుతున్నాయా?? ట్యాన్ వల్ల చర్మం అందవికారంగా కనిపిస్తోందా?? ఏంటి ఇన్ని సమస్యలా.. అని ఆశ్చర్యపోతున్నారా?? సమస్యలెన్నయినా కానీయండి.. మందు మాత్రం ఒక్కటే.. అదే 'టమాటా'! నిజమే... మన రిఫ్రిజిరేటర్లో అనునిత్యం దర్శనమిచ్చే సహజసిద్ధమైన టమాటాల వల్ల అనేక రకాల చర్మ సమస్యల్ని నివారించుకోవచ్చు తెలుసా! మరి ఆ పద్ధతులేంటో మనమూ తెలుసుకుందాం రండి...

ముద్దుగుమ్మల్ని స్క్రీన్‌ మీద చూడగానే ‘అబ్బ.. ఈ బ్యూటీ ఎంత అందంగా ఉందో’ అనుకుంటాం.. మేకప్‌ మహిమతో ఇంత క్యూట్‌గా మెరిసిపోవచ్చా.. అని ఆశ్చర్యపోయేవారూ ఉన్నారనుకోండి. అయితే వారు ఇంత అపురూప లావణ్యాన్ని సొంతం చేసుకోవడం వెనుక మేకపే కాదు.. సహజసిద్ధమైన సౌందర్య చిట్కాలూ ఉన్నాయ్‌! ఈ క్రమంలోనే చాలామంది నటీమణులు అప్పుడప్పుడూ తమ న్యాచురల్‌ బ్యూటీ సీక్రెట్స్‌ని సోషల్‌ మీడియా ద్వారా తమ అభిమానులతో పంచుకుంటూ బ్యూటీ పాఠాలు నేర్పుతుంటారు. తాజాగా బాలీవుడ్‌ ఫ్యాషనిస్టా సోనమ్‌ కపూర్‌ కూడా అదే చేసింది. తన అధరాల మెరుపుకి కారణమైన న్యాచురల్‌ చిట్కాలేంటో ఇన్‌స్టా వేదికగా పంచుకుందీ సొగసరి. ‘వ్యానిటీ విన్యెట్స్‌’ పేరుతో నిర్వహిస్తోన్న బ్యూటీ సిరీస్‌లో భాగంగా తన సౌందర్య రహస్యాల్ని బయటపెడుతోన్న ఈ క్యూటీ తన లిప్‌ కేర్‌ గురించి ఏం చెబుతోందో తెలుసుకుందాం రండి..

సీజన్ ఏదైనా సరే.. ఆపాదమస్తకం అందంగా మెరిసిపోవాలి..' ఇది ప్రతి అమ్మాయికీ ఉండే కోరికే! కానీ చలికాలంలో చర్మ, కేశ సంబంధిత సమస్యలు తలెత్తడం కూడా మామూలే! కేశాలు పొడిబారడం, నిర్జీవంగా మారడం.. చివర్లు చిట్లడం.. ఇలా ఎన్నో సమస్యలు

సీజన్‌తో సంబంధం లేకుండా శ్రావ్య ముఖం ఏ కాలంలోనైనా జిడ్డుగానే ఉంటుంది. ఇక ఈ జిడ్డును వదిలించుకోవడానికి రసాయనాలతో కూడిన ఫేస్‌వాష్‌తో పదే పదే ముఖం కడుక్కుంటోందామె.

గర్భం ధరించడం ప్రతి మహిళకూ ఓ వరం. అయితే ఆ సమయంలో ఎదురయ్యే ఒత్తిడి, ఆందోళనల వల్ల శరీరంలో హార్మోన్ల అసమతుల్యం, ఎక్కువ మొత్తంలో హార్మోన్లు ఉత్పత్తవడం వంటివి సహజం. తద్వారా పలు శారీరక మార్పులు జరగడంతో పాటు కొన్ని సమస్యలు కూడా ఎదురవుతుంటాయి. వీటిలో పిగ్మెంటేషన్ కూడా ఒకటి. నుదురు, బుగ్గలపై నల్లటి మచ్చల్లాగా వచ్చే ఈ సమస్య వల్ల ముఖం నిర్జీవమైపోయినట్లుగా, అందవిహీనంగా కనిపిస్తుంది. మరి, ఈ సమస్య నుంచి బయటపడడానికి ఏవైనా సౌందర్య సాధనాలు వాడదామా అంటే వాటిలో ఉండే రసాయనాలు కడుపులో పెరిగే బిడ్డపై ఎక్కడ ప్రతికూల ప్రభావం చూపుతాయో అన్న భయం కాబోయే తల్లుల్ని వెంటాడుతుంది. ఈ క్రమంలో ఈ సమస్య నుంచి విముక్తి పొందడానికి ఇంట్లో లభించే కొన్ని సహజసిద్ధమైన పదార్థాలు ఉపయోగపడతాయంటున్నారు సౌందర్య నిపుణులు. వాటిని ఎలా ఉపయోగించాలో తెలుసుకొని డాక్టర్ సలహా మేరకు వాటిని వాడితే ఈ సమస్య నుంచి ఇట్టే ఉపశమనం కలుగుతుంది.