తమ అందానికి మెరుగులు దిద్దుకోవాలన్న ఆరాటం ప్రతి మహిళలోనూ ఉంటుంది. ఇక ఈ విషయంలో మన అందాల తారలు తీసుకునే ప్రత్యేక శ్రద్ధ గురించి ప్రత్యేకించి చెప్పక్కర్లేదు. ఆన్‌స్క్రీన్‌ అయినా, ఆఫ్‌స్క్రీన్‌ అయినా అపురూప లావణ్యంతో మెరిసిపోతుంటారు మన ముద్దుగుమ్మలు. మేకప్‌ వేసుకున్నప్పుడే కాదు.. డీ-గ్లామరస్‌గానూ తమకు మరెవరూ సాటిరారంటూ అదరగొడుతుంటారు. అయితే ఇంట్లో ఉన్నప్పుడు సహజసిద్ధమైన సౌందర్య ఉత్పత్తులు ఉపయోగించడమే తమ అందానికి కారణమంటూ పలు సందర్భాల్లో కొందరు నటీమణులు చెప్పుకొచ్చిన విషయం తెలిసిందే. పైగా లాక్‌డౌన్‌ కారణంగా గత రెండు నెలలుగా ఇంటికే పరిమితమైన ఈ క్యూట్‌ బ్యూటీస్‌ న్యాచురల్‌ ఫేస్‌ప్యాక్స్‌ ప్రయత్నిస్తూ.. ఆ ఫొటోలు, రెసిపీలను సోషల్‌ మీడియా వేదికగా తమ ఫ్యాన్స్‌తో పంచుకుంటున్నారు కూడా! అలా తాజాగా మన కపూర్‌ సిస్టర్స్‌ కరిష్మా, కరీనాతో పాటు పటౌడీ బ్యూటీ సోహా అలీ ఖాన్‌ కూడా ఓ సహజసిద్ధమైన ఫేస్‌మాస్క్‌ వేసుకొని.. ఆ ఫొటోల్ని సామాజిక మాధ్యమాల్లో పంచుకున్నారు. ఇంతకీ వాళ్లు వేసుకున్న ఆ న్యాచురల్‌ ఫేస్‌ మాస్క్‌ ఏంటి? దానివల్ల కలిగే సౌందర్య ప్రయోజనాలేంటో తెలుసుకుందాం రండి..

లాక్‌డౌన్‌లో కొన్ని సడలింపులు ఇచ్చినా ఇంకా కొంత మంది ఇళ్లకే పరిమితమై ఉన్నారు. ఈ పరిస్థితుల్లో తమ స్నేహితులు, బంధువులు, సహోద్యోగులతో.. ప్రత్యక్షంగా మాట్లాడడం వీలు కాకపోవడంతో వీడియో కాల్స్‌ ద్వారా పరోక్షంగా మాట్లాడుతూ తృప్తి పడుతున్నారు చాలామంది. అలాగే ఇప్పటికీ చాలామంది ఇంటి నుంచే పని చేస్తుండడంతో ముఖ్యమైన చర్చలు, సమావేశాల కోసం వీడియో కాల్స్‌పైన ఆధారపడాల్సి వస్తోంది. అలాగే కొన్ని సంస్థల్లో నియామకాలు కూడా ఆన్‌లైన్‌లోనే జరుగుతున్నాయి. ఈక్రమంలో వీడియో కాల్స్‌ ఎలా పడితే అలా మాట్లాడకూడదు. దానికి కూడా ఒక పద్ధతి ఉంటుంది. కాల్‌లో మన మాటలతో పాటు.. మనం ఎలా కనిపిస్తున్నాం అనే దానిని బట్టి అవతల వ్యక్తి మనల్ని అంచనా వేసే అవకాశముంది. ఈ క్రమంలో వీడియో కాల్స్‌ మాట్లాడే క్రమంలో అందంగా, ఆకర్షణీయంగా కనబడడం మన చేతుల్లోనే ఉంది. అది ఎలాగో తెలుసుకుందాం..!

సిల్కీ హెయిర్‌ అయినా, ఉంగరాల జుట్టైనా, అలల్లాంటి ముంగురులైనా.. ఇలా ఎలాంటి జుట్టున్న వారైనా సరే.. తలస్నానం చేసే విషయంలో అందరూ ఒకే పద్ధతిని అనుసరిస్తుంటారు. ఈ క్రమంలో కొందరు రెండు, మూడు రోజులకోసారి తలస్నానం చేస్తే.. మరికొందరు వారానికోసారి మాత్రమే తలస్నానం చేస్తుంటారు. కానీ.. జుట్టు రకాన్ని బట్టి తలస్నానం చేసే విషయంలో పలు జాగ్రత్తలు తీసుకోవాలని చెబుతున్నారు నిపుణులు. ఫలితంగా కుదుళ్లు బలహీనపడడం, జుట్టు పొడిబారడం, చిట్లిపోవడం.. వంటి సమస్యలు తలెత్తకుండా జాగ్రత్తపడచ్చని వారు సూచిస్తున్నారు. మరి, జుట్టు రకాన్ని బట్టి తలస్నానం చేసే విషయంలో ఎలాంటి జాగ్రత్తలు తీసుకోవాలి? రండి.. తెలుసుకుందాం..

లాక్‌డౌన్‌ కారణంగా ఇంట్లో ఉండడమేమో గానీ.. చర్మ సంరక్షణ గురించి పట్టించుకోవడమే మానేశారు చాలామంది అమ్మాయిలు. ఎలాగూ బయటికి వెళ్లట్లేదు కదా అన్న నిర్లక్ష్యం ఒక కారణమైతే.. బద్ధకం మరో కారణం. అయితే ఇంట్లో ఉన్నా కూడా చర్మానికి అందాల్సిన పోషణ అందకపోతే చర్మం నిర్జీవంగా, జిడ్డుగా, పొడిబారిపోవడం ఖాయమంటున్నారు సౌందర్య నిపుణులు. ఫలితంగా మొటిమలు, అలర్జీ.. వంటి సమస్యలు తప్పవంటున్నారు. మరి, ఈ సౌందర్య సమస్యల నుంచి బయటపడాలంటే స్క్రబ్బింగ్‌ చక్కటి మార్గమని వారు సూచిస్తున్నారు. మరి, లాక్‌డౌన్‌ కదా.. సౌందర్య ఉత్పత్తులు ఎలా దొరుకుతాయి అనుకోకండి. వీటి కోసం ఖరీదైన ఉత్పత్తులతో పనిలేదు.. కేవలం మన వంటింట్లో ఉండే పంచదార చాలు.. ఇది మీ చర్మానికి స్క్రబ్‌లా పనిచేసి మీ చర్మంపై పేరుకుపోయిన మృతకణాలను తొలగిస్తుంది.. మచ్చలను మాయం చేస్తుంది.. తేమను, మెరుపును అందిస్తుంది. ఈ క్రమంలో పంచదారతో తయారుచేసుకునే కొన్ని సహజసిద్ధమైన స్క్రబ్స్‌ గురించి తెలుసుకుందాం రండి..

ఆఫీసుకు వెళ్లేటప్పుడు మన కోసం మనం కాస్త సమయం కేటాయించుకుందామన్నా సమయం దొరికేది కాదు. ఇంటి పని, వంట పనికి తోడు భర్తను ఆఫీస్‌కి పంపడం, పిల్లల్ని రడీ చేసి స్కూల్‌కి పంపడం.. ఇలా వీటితోనే సరిపోయేది. ఇక సాయంత్రం ఇంటికొచ్చాక మళ్లీ ఇంటి పని షరా మామూలే. అంతటి బిజీ లైఫ్‌స్టైల్లో అందాన్ని సంరక్షించుకోవడానికి ఓ అరగంటైనా సమయం ఉండేది కాదు. కానీ లాక్‌డౌన్‌ మొదలైనప్పట్నుంచి ఇంట్లో పని పెరిగినా, ఇంటి నుంచి పనిచేసినా కొంతమందికి కాస్తో కూస్తో ఖాళీ సమయం దొరికే అవకాశం ఉండచ్చు. అలాంటి అవకాశం ఉన్నవారు ఇలా దొరక్క దొరక్క దొరికిన ఆ సమయంలో మనం చేయాలనుకున్న పనులు చేసుకోవచ్చు. అందులో అందాన్ని సంరక్షించుకోవడం కూడా ఒకటి. చాలామంది చిన్న వయసులోనే ముఖంపై ముడతలు, గీతలు ఏర్పడుతున్నాయని దిగులు పడుతుంటారు. అలాంటి వారు ఈ వంటింటి ఔషధాలను ఉపయోగించుకొని నవ యవ్వనంగా మెరిసిపోవచ్చు. అదెలాగో ఇప్పుడు చూద్దాం..

అసలే వేసవి.. రోజురోజుకీ పెరిగే ఉష్ణోగ్రతలతో మనం ఎన్ని నీళ్లు తాగినా చెమట రూపంలో ఆవిరైపోతుంటాయి. తద్వారా శరీరం డీహైడ్రేషన్‌కి గురవుతుంది. అంతేనా.. దీనివల్ల చర్మం తేమను కోల్పోయి నిర్జీవంగా, పాలిపోయినట్లుగా మారిపోతుంది. అందుకే ఈ ఎండాకాలంలో అందం విషయంలో ఎన్ని జాగ్రత్తలు తీసుకున్నా వ్యర్థమే అని చెప్పచ్చు. అలాగని విసుగెత్తిపోకుండా ఈ బ్యూటీ టిప్‌ని ప్రయత్నించమని చెబుతోంది బాలీవుడ్‌ అందాల తార రవీనా టాండన్‌. లాక్‌డౌన్‌ నేపథ్యంలో స్వీయ నిర్బంధంలో ఉంటోన్న ఈ ముద్దుగుమ్మ.. తాను గతంలో చెప్పిన బ్యూటీ టిప్స్‌ని ఇప్పుడు వారానికొకటి చొప్పున మళ్లీ సోషల్‌ మీడియాలో పోస్ట్‌ చేస్తోంది.

చర్మం మృదువుగా, నాజూగ్గా ఉంటే ఎంతో అందంగా కనిపిస్తుంది. అయితే కొంతమంది పైపెదవి పైభాగంలో అవాంఛిత రోమాలతో బాధపడుతుంటారు. వీటిని తొలగించుకునే క్రమంలో కొందరు వ్యాక్సింగ్, త్రెడింగ్, బ్లీచింగ్.. వంటి సౌందర్య చికిత్సల్ని ఆశ్రయిస్తుంటారు. కానీ ఒక్కోసారి అవి అందరికీ పడక ఆ ప్రదేశంలో చర్మం నల్లగా మారడం, ఎర్రటి దద్దుర్లు ఏర్పడడం.. వంటి సమస్యలు ఎదురవుతాయి. మరి ఇలా పైపెదవి పైభాగంలో నల్లగా మారిన చర్మాన్ని సాధారణ స్థితిలోకి తీసుకురావడానికి కొన్ని సహజసిద్ధమైన పదార్థాలు ఉపయోగపడతాయంటున్నారు నిపుణులు. అవేంటో తెలుసుకుందామా?

ఇటీవలి కాలంలో చాలామందిలో చుండ్రు సాధారణమైన సమస్యగా మారిపోయింది. దీన్ని పోగొట్టుకోవడానికి మార్కెట్లో దొరికే యాంటీడాండ్రఫ్ షాంపూలను ఉపయోగిస్తుంటాం. అయితే వీటివల్ల కలిగే ఫలితం తాత్కాలిమే అవుతుంది. మరి ఈ సమస్య నుంచి శాశ్వత పరిష్కారం పొందేదెలా? చాలా సింపుల్.. వేపాకులు, వేపనూనె ఉపయోగించడం ద్వారా ఈ సమస్య నుంచి మనం విముక్తి పొందవచ్చు. వేపలో ఉండే యాంటీబ్యాక్టీరియల్, యాంటీఫంగల్, యాంటీ ఇన్‌ఫ్లమేటరీ గుణాలు చుండ్రు సమస్యను తగ్గించడంలో సాయపడతాయి. అంతేకాదు చుండ్రు కారణంగా వచ్చే దురద, మంటను సైతం ఇవి తగ్గిస్తాయి. మరి ఈ ఫలితాన్ని పొందాలంటే ఏం చేయాలో తెలుసుకుందామా...

మండే ఎండాకాలం రాబోతోంది.. ఎండవేడిమి వల్ల వచ్చే చెమట, జిడ్డుదనం, మొటిమలు, అలర్జీ, క్రిములు.. ఇవన్నీ తలచుకుంటేనే ఎవరికైనా ‘బాబోయ్‌’ అనిపించడం సహజమే. వీటి నివారణకు చాలామంది బ్యూటీ ట్రీట్‌మెంట్స్‌, బయట దొరికే క్రీమ్స్‌.. అంటూ ఏవేవో సౌందర్య చిట్కాలను ఫాలో అయిపోతుంటారు. ఇలా ఎన్ని వాడినా కూడా.. శుభ్రత పాటించకపోతే అందాన్ని సంరక్షించుకోవడం కత్తి మీద సామే అవుతుంది. అందుకోసమే స్నానం చేసే సమయంలో చాలామంది స్క్రబ్బింగ్‌ గ్యాడ్జెట్స్‌ని ఉపయోగిస్తుంటారు. కానీ ఎంత అత్యాధునిక స్క్రబ్‌ టూల్స్‌ని వాడినా.. సహజ పదార్థాలతో తయారుచేసిన స్క్రబ్బర్స్‌ ముందు దిగదుడుపే అనడంలో సందేహం లేదు. న్యాచురల్‌గా లభించే పదార్థాలతో తయారుచేసిన ఈ స్క్రబ్బర్స్‌ని వాడడం వల్ల శరీరం పూర్తిగా శుభ్రపడడంతో పాటు మేనికి చక్కటి పోషణ కూడా అందుతుంది. తద్వారా ఎండాకాలంలో వచ్చే చర్మ సమస్యల నుండి ఉపశమనం పొందచ్చు. మరి, ఆ న్యాచురల్‌ స్క్రబ్బర్స్‌ ఏంటో తెలుసుకొని వాటిని మన సమ్మర్‌ బ్యూటీ కిట్‌లో చేర్చేసుకుందామా?

మేకప్‌ టూల్స్‌ని శుభ్రం చేయడం కాస్త శ్రమతో కూడుకున్నందు వల్లే చాలామంది వీటిని శుభ్రం చేయడానికి బద్ధకిస్తుంటారు. కానీ ప్రస్తుతం మార్కెట్లో లభ్యమవుతోన్న మేకప్‌ క్లీనింగ్‌ గ్యాడ్జెట్స్‌ని వాడితే ఎలాంటి మేకప్‌ టూల్‌ అయినా చిటికెలో, ఈజీగా శుభ్రం చేసేయచ్చు. అయితే.. సాధారణంగా ఇంట్లో లభించే వస్తువులతోనే మేకప్‌ టూల్స్‌ని శుభ్రం చేయచ్చు కదా అనుకునే వారూ లేకపోలేదు. కానీ వాటివల్ల మీ మేకప్‌ టూల్స్‌ డ్యామేజ్‌ అయ్యే ప్రమాదముంది. కాబట్టి అలా జరగకుండా నివారించడానికి ఉపయోగించేవే ఈ మేకప్‌ క్లీనింగ్‌ గ్యాడ్జెట్స్‌. అలాంటి కొన్ని మేకప్‌ క్లీనింగ్‌ గ్యాడ్జెట్స్‌ గురించి, వాటి వాడకం గురించి ఈ వారం ప్రత్యేకంగా తెలుసుకుందాం రండి..

చాలామంది ఆడవాళ్ల జుట్టు పొడిబారినట్టుగా, చెదిరిపోయినట్లుగా కనిపిస్తుంటుంది. ఇందుకు కారణం వెంట్రుకలకు అవసరమైనంత తేమ లభించకపోవడమే. వాతావరణంలో మార్పులు, తరచూ బ్లో డ్రయర్‌ ఉపయోగించడం, కేశ సంబంధిత ఉత్పత్తుల్లోని రసాయనాల కారణంగా ఈ సమస్య తలెత్తే అవాకాశముంది. ఈక్రమంలో కురులకు సరిపడినంత తేమను అందించాలంటే కొన్ని సహజమైన చిట్కాలు పాటించాల్సి ఉంటుంది. అవేంటో చూద్దాం..!

ఏదైనా పార్టీ అయినా.. ఫంక్షనైనా.. కొత్త దుస్తుల దగ్గర్నుంచి యాక్సెసరీస్‌ వరకూ అన్నీ మ్యాచింగ్‌ వేసుకుని అందరి ప్రశంసలందుకోవాలనుకుంటారు అమ్మాయిలు. కానీ దుస్తులకు జతగా కొత్త చెప్పులు కొనాలంటే మాత్రం కాస్త ఆలోచిస్తారు. ఎందుకంటే కొత్త చెప్పులు వేసుకున్నప్పుడల్లా కాలి వేళ్లు, మడమల భాగంలో గీసుకుపోవడం, ఎరుపెక్కడం.. వంటివి జరుగుతుంటాయి. తద్వారా ఆ భాగాల్లో విపరీతమైన నొప్పి వస్తుంటుంది. ఒక్కోసారి ఆ చెప్పులు వేసుకునే కంటే వేసుకోకపోవడమే మంచిదనిపిస్తుంది. ఇక నుండి ఇలాంటి ఇబ్బందులు ఎదుర్కోవాల్సిన పనిలేదు. ఎందుకంటే అలా చెప్పులు కరవకుండా మీ పాదాల్ని సురక్షితంగా ఉంచే పూచీ నాదంటూ ప్రస్తుతం ఓ గ్యాడ్జెట్‌ మార్కెట్లోకొచ్చేసింది. కేవలం అదొక్కటే కాదు.. చెప్పులు గట్టివైనా పాదాలకు మెత్తదనం అందించేలా, మడమలు పగలకుండా.. ఇలా పాదాల రక్షణ కోసం బోలెడన్ని గ్యాడ్జెట్లు అతివలకు అందుబాటులో ఉన్నాయి. ఇంతకీ అవేంటి? వాటితో ఎలాంటి ఉపయోగాలుంటాయి? ఈ వారం ప్రత్యేకంగా మీకోసం..

మన సౌందర్యానికి అదనపు వన్నెలద్ది మనల్ని మరింత అందంగా మార్చేదే మేకప్‌.. ఈతరం అమ్మాయిలకు మేకప్‌ వేసుకోవడం అనేది నిత్యకృత్యంగా మారిపోయింది. అయితే రోజంతా మేకప్‌లోనే ఉన్నా.. రాత్రి నిద్రపోయే ముందు మాత్రం మేకప్‌ను తొలగించుకోవడం తప్పనిసరి. లేదంటే లేనిపోని చర్మ సమస్యలు చుట్టుముడతాయి. ఈ క్రమంలోనే మేకప్‌ను తొలగించడానికి కూడా ప్రస్తుతం మేకప్‌ రిమూవర్స్‌ మార్కెట్లో లభిస్తున్నాయి. కానీ ఈ ఖరీదైన, రసాయన పూరిత మేకప్‌ రిమూవర్స్‌ బదులుగా ఇంట్లోనే లభించే సహజమైన పదార్థాలతో చర్మానికి ఎలాంటి హానీ కలగకుండా మేకప్‌ను తొలగించుకోవచ్చు. మరి అవేంటో చూద్దామా..!

మొటిమల సమస్యతో బాధపడుతున్నారా?? అయితే మీకు తెలిసిన ఏవో క్రీములు తెచ్చుకుని వాడకుండా ఇది ప్రయత్నించి చూడండి.. కాస్త శెనగపిండిని చందనం పేస్ట్‌లో కలుపుకుని మొటిమలపై రాస్తే సమస్య నుంచి త్వరిత ఉపశమనం లభిస్తుంది. ఈ మిశ్రమంలో నిమ్మరసం కూడా కలుపుకోవచ్చు. దీనివల్ల ముఖంపై మచ్చలేవైనా ఉంటే తొలగిపోతాయి.

‘అందమంటే.. తెల్లని మేని ఛాయ ఉండడం కాదు.. కల్మషం లేని మనసు ఉండడం..!’ అన్న విషయం ఎంత బల్లగుద్ది వాదించినా ఇప్పటికీ ఈ ప్రపంచంలో చాలామంది మేని ఛాయకే విలువిస్తుండడం దురదృష్టకరం. ఈ క్రమంలోనే ఎన్నో ఫెయిర్‌నెస్‌ క్రీమ్‌ కంపెనీలు తమ సౌందర్య ఉత్పత్తులు వాడితే కొన్ని వారాల్లో ఎలాంటి వారైనా తెల్లగా మారిపోతారంటూ ఊరిస్తుంటారు. కానీ అందులో వాడే రసాయనాల వల్ల చర్మం తెల్లబడే సంగతి పక్కన పెడితే.. చాలామంది వివిధ రకాల చర్మ సమస్యల బారిన పడుతున్నారు. అంతేకాదు.. వీటిని ఉపయోగించడం వల్ల చర్మంలోని కణాలు దెబ్బతిని కొన్ని దీర్ఘకాలిక సమస్యలకు కూడా కారణమవుతున్నాయనేది నిపుణుల అభిప్రాయం. అందుకే ఇటువంటి ఫెయిర్‌నెస్‌ క్రీమ్స్‌ ప్రచారాలకు అడ్డుకట్ట వేయాలని కేంద్ర ఆరోగ్య, కుటుంబ సంక్షేమ శాఖ నిర్ణయించింది. ఈక్రమంలో క్రీమ్స్‌ ద్వారా మేని ఛాయను మెరుగుపరచుకోవచ్చని వచ్చే ప్రకటనల పట్ల కఠిన వైఖరితో వ్యవహరించే దిశగా సంబంధిత చట్టంలో సవరణలు ప్రతిపాదించింది. ఈ ప్రతిపాదనను స్వాగతిస్తూ.. పలువురు బాలీవుడ్‌ సెలబ్రిటీలు తమ మద్దతు తెలియజేశారు. దీనికి సంబంధించి కొందరు ముద్దుగుమ్మల స్పందనేంటో వారి మాటల్లోనే తెలుసుకుందాం రండి..

ఒత్తైన, నల్లని కురులు సొంతం చేసుకోవాలని ప్రతి అమ్మాయీ ఆరాటపడుతుంది. అయితే మనం రోజూ చేసే కొన్ని పనుల వల్ల మనకు తెలియకుండానే కేశాలకు హాని కలుగుతుంది. ఫలితంగా జుట్టు రాలడం, చివర్లు చిట్లడం, నిర్జీవంగా మారడం.. వంటి సమస్యలు తలెత్తుతుంటాయి. మరి, ఆ పొరపాట్లేంటో తెలుసుకుని సరిదిద్దుకుంటే కురులను చక్కగా సంరక్షించుకోవచ్చు. ఇంతకీ అవేంటంటే..

చర్మ సౌందర్యాన్ని, కేశ సంపదను కాపాడుకోవడానికి మార్కెట్లో దొరికే పలు రకాల ఉత్పత్తులను వాడటానికే నేటి యువత అధిక ప్రాధాన్యమిస్తోంది. కానీ వీటి వల్ల ఒక్కోసారి ఇబ్బందులు ఎదుర్కోవాల్సి రావచ్చు. కాబట్టి ఇలా కాకుండా మన పూర్వీకులు ఉపయోగించిన కొన్ని సహజసిద్ధమైన సౌందర్య ఉత్పత్తులను వినియోగిస్తే అపురూప సౌందర్య రాశిగా మెరిసిపోవచ్చు. అలాంటి కొన్ని పదార్థాలు, అవి కలిగించే ప్రయోజనాలు.. మొదలైన అంశాల గురించి తెలుసుకుందామా మరి..

'ఏంటీ.. అంత అందంగా మెరిసిపోతున్నావ్! ఇప్పుడే పార్లర్‌కెళ్లొచ్చావా?' 'అబ్బా.. నీ హెయిర్ కట్ ఎంత బాగుందో.. ఎక్కడ చేయించుకున్నావో చెప్పవూ..?' లేడీస్ గ్యాంగ్‌లో ఇలాంటి ప్రశ్నలు మామూలే కదూ..! అయితే అందాన్ని సంరక్షించుకోవడానికి సహజసిద్ధమైన ఉత్పత్తులను వాడుతున్నప్పటికీ అప్పుడప్పుడూ బ్యూటీ పార్లర్లకు వెళ్లడం పరిపాటే. ఓ రకంగా చెప్పాలంటే అమ్మాయిల అందాన్ని పెంపొందించడంలో బ్యూటీ పార్లర్ పాత్ర చాలానే ఉంటుంది. అందుకే ఈ రోజుల్లో పార్లర్‌కి వెళ్లని వాళ్లున్నారంటే ఆశ్చర్యపోవాల్సిందే! అయితే పార్లర్ ఎంపికలో కూడా కొన్ని జాగ్రత్తలు తీసుకోవాల్సిందే. లేకపోతే గ్లామర్ పెరగడానికి బదులు ఇతరత్రా సౌందర్య సమస్యలు ఎదుర్కోవాల్సి వస్తుంది. ఇంతకీ ఆ జాగ్రత్తలేంటంటారా? ఇదిగో ఇవే..!

ఆహా! మసాజ్‌ చేస్తుంటే ఎంత హాయిగా అనిపిస్తుందో కదా! అవును మరి.. మసాజ్‌ చేయించుకుంటుంటే అటు శరీరానికి, ఇటు మనసుకు ఎంతో ఆహ్లాదంగా అనిపిస్తుంటుంది. అంతేకాదు.. ఈ బిజీ జీవితంలో ఒత్తిడి నుండి తక్షణ ఉపశమనం అందించే ప్రక్రియల్లో ఇదీ ఒకటి. ఇక ఒంట్లోని అదనపు కొవ్వును కరిగించుకోవడానికి సైతం ఈ ప్రక్రియ చాలా బాగా ఉపయోగపడుతుంది. అందుకే వీకెండ్‌ వచ్చిందంటే చాలు.. చాలామంది మసాజ్‌ సెంటర్లను ఆశ్రయిస్తుంటారు.. ఈ క్రమంలో బోలెడంత డబ్బు ఖర్చుపెట్టడానికీ వెనకాడరు. అయితే పైసా ఖర్చు లేకుండా ఇంట్లోనే మసాజ్‌ చేసుకుంటే బాగుంటుంది కదూ!! కానీ చేసేవారెవరు.. అంటారా? ప్రస్తుతం మార్కెట్లో లభ్యమయ్యే వివిధ రకాల మసాజ్‌ గ్యాడ్జెట్లుండగా, వేరే వాళ్లతో పనేముంది. పైగా ఈ గ్యాడ్జెట్స్‌తో ఏ శరీర భాగానికి కావాలంటే ఆ భాగానికే ఈజీగా ఎవరికి వారే మసాజ్‌ చేసుకోవచ్చు. ఆ ప్రదేశంలో పేరుకున్న కొవ్వును సైతం ఇట్టే కరిగించేయచ్చు.. తద్వారా అందంగా, నవయవ్వనంగా మెరిసిపోవచ్చు. మరి, ఇటు రిలాక్సేషన్‌ని అందిస్తూనే, అటు కొవ్వునీ కరిగించి మన అందాన్ని ద్విగుణీకృతం చేసే అలాంటి కొన్ని మసాజర్స్‌ గురించి ఇప్పుడు తెలుసుకుందాం..