scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నాకు పాజిటివ్‌ వచ్చిందని అందుకే అమ్మకు చెప్పలేదు!'

'కరోనా.. ప్రస్తుతం అందరికీ అదో మృత్యుపాశంలా కనిపిస్తోంది. వ్యక్తిగత పరిశుభ్రత పాటిస్తూ తగిన జాగ్రత్తలు తీసుకుంటే కరోనా సోకదని, రోగనిరోధక శక్తి అధికంగా ఉన్న వారు ఈ వైరస్‌ నుంచి సులభంగా బయటపడచ్చని ఎంతమంది నిపుణులు ఎన్ని రకాలుగా చెబుతున్నా, ఈ మహమ్మారిని జయించిన వారే నొక్కివక్కాణిస్తున్నా.. మన మనసులో ఏదో ఓ మూల భయం, ఆందోళన నెలకొన్నాయి. ఈ క్రమంలో కాస్త అనారోగ్యంగా అనిపించినా కరోనా నిర్ధారిత పరీక్షలు చేయించుకోవడానికి సైతం జంకుతున్నారు చాలామంది. కానీ మనం అలా చేయడం వల్ల మనతో పాటు మన చుట్టూ ఉన్న వారిని సైతం ప్రమాదంలో పడేసిన వారమవుతామని అంటోంది ఓ నర్సు. పరీక్షలో పాజిటివ్‌ వస్తే చనిపోతామన్న భయమే మనల్ని నిలువునా చంపేస్తుందని, మానసిక ధైర్యమే కరోనాను జయించడానికి మన వద్ద ఉన్న ప్రధాన ఆయుధమని చెబుతోంది. ఆ సానుకూల దృక్పథంతోనే కరోనాపై విజయం సాధించి తిరిగి విధుల్లో చేరిన ఈ నర్సు అంతరంగమేంటో తెలుసుకుందాం రండి..'

Know More

Movie Masala

 
category logo

వీటిని వాడితే ‘బ్లాక్‌హెడ్స్‌’ ఇక మిమ్మల్ని బాధించవు!

The Beauty Gadgets For Removing Blackheads ASAP

beautygadgetstrip.gif

చర్మంపై వచ్చే పింపుల్స్‌, ముడతలు.. వంటివన్నీ కాలంతో సంబంధం లేకుండా అమ్మాయిలను కలవరపెట్టే సమస్యలు. అయితే ఇవి రాకుండా ఉండడానికి, వస్తే వీటి నుంచి బయటపడడానికి కొన్ని చిట్కాలు పాటిస్తుంటారు మగువలు. ఇదిలా ఉంటే.. ఈ సమస్యలతో పాటు మన కంటికి కనిపించకుండా మనల్ని వేధించే అతిపెద్ద సౌందర్య సమస్య ‘బ్లాక్‌హెడ్స్‌’. కాలుష్యం, దుమ్ము, ధూళి వంటివి మన చర్మ రంధ్రాల్లో చేరి కొన్నాళ్లకు బ్లాక్‌హెడ్స్‌ ఏర్పడతాయి. తద్వారా చర్మం తేమను కోల్పోయి నిర్జీవంగా తయారవుతుంది. మరి, వీటిని తొలగించుకోవడానికి పార్లర్లకు క్యూ కట్టే వారు కొందరైతే.. సహజసిద్ధమైన చిట్కాలను పాటించేవారు మరికొందరు. ఇవన్నీ చేసినా ఫలితం కనిపించదు. ఇకపై ఇలాంటి అదనపు ఖర్చు లేకుండా ఇంట్లోనే సులభంగా ఈ ‘బ్లాక్‌హెడ్స్‌’కి చెక్‌ పెట్టచ్చు. అది కూడా మార్కెట్లో లభ్యమవుతోన్న వివిధ రకాల గ్యాడ్జెట్స్‌ ఉపయోగించి! మరి, బ్లాక్‌హెడ్స్‌కి బై బై చెప్పే అలాంటి కొన్ని టూల్స్‌ గురించి ఈ వారం ప్రత్యేకంగా మీకోసం..

blackheadsremovalgh650-5.jpg

సిలికాన్‌ నోస్‌ పోర్‌ క్లీనర్‌..

ఈ కాలుష్యానికి ఎక్కువగా ప్రభావానికి గురయ్యేది ముఖమే. మనం ప్రతిరోజు ఫేష్‌వాష్‌తో ముఖం కడుక్కుంటూనే ఉన్నా కూడా దాని వల్ల శుభ్రం అయ్యేది చర్మం పైపై భాగమే! కాబట్టి ముఖాన్ని లోలోపలి నుంచి శుభ్రం చేసుకోవడం ముఖ్యం. ఈ క్రమంలో మనం చేతితో ఎంతగా రుద్దినా ఫలితం ఉండదు. కాబట్టి చర్మ రంధ్రాలు లోలోపలి నుంచి శుభ్రపడాలంటే దాని కోసం ప్రత్యేకంగా రూపొందించిన టూల్‌ని వాడకతప్పదు. ముఖాన్ని శుభ్రం చేయాలంటే అందుకు ఎంచుకునే టూల్‌ అరచేతిలో ఇమిడేంత చిన్నదిగా, పట్టుకోవడానికి అనువుగాను ఉండాలి. అందుకోసమే ఈ ‘సిలికాన్‌ నోస్‌ పోర్‌ క్లీనర్‌’ రూపొందింది. ఇది మురికితో పాటు బ్లాక్‌హెడ్స్‌ను కూడా తొలగిస్తుంది. పై చిత్రంలో చూపిన విధంగా ఇది నీటి బొట్టు ఆకారంలో ఉంటుంది. దీనికి వెనక వైపు పట్టుకోవడానికి చిన్న హ్యాండిల్‌ కూడా ఉంటుంది. ఈ టూల్‌తో పాటు చిన్నగా, గుండ్రంగా ఉండే మృదువైన స్క్రబ్బర్‌ కూడా లభిస్తుంది. ముందుగా ముఖాన్ని నీటిలో శుభ్రం చేసుకుని ఆపై ఫొటోలో చూపించినట్లుగా ఈ టూల్‌తో ముఖంపై మృదువుగా, నెమ్మదిగా మర్దన చేసుకోవాలి. ఇక చిన్న స్క్రబ్బర్‌ టూల్‌తో ముక్కు చివర్లు, కనుబొమ్మలు.. వంటి భాగాల్లో సులభంగా రుద్దుకోవడానికి వీలుగా ఉంటుంది. ఇలా చేయడం వల్ల చర్మ రంధ్రాలు లోపలి నుండి శుభ్రపడతాయి. ఈ విధంగా రెండు రోజులకోసారి చేయడం వల్ల ముఖంపై దుమ్ము చేరదు. నాణ్యతను బట్టి వీటి ధర రూ. 150 నుండి రూ.399 వరకు ఉంటుంది.

blackheadsremovalgh650-2.jpg

చార్కోల్‌ నోస్‌ స్ట్రిప్స్‌..

అర్జెంటుగా పార్టీకి హాజరవ్వాలా? అయితే బ్లాక్‌హెడ్స్‌ వల్ల ఇబ్బందిపడుతున్నారా! కానీ వాటిని తొలగించుకోవడానికి స్క్రబ్‌, ఫేషియల్‌ చేసుకునే సమయం లేదా! ఏం పర్లేదు.. ఈ ‘చార్కోల్‌ నోస్‌ స్ట్రిప్స్‌’ ఉపయోగిస్తే సరి. చాలామందికి ముక్కుపై బ్లాక్‌హెడ్స్‌ ఎక్కువగా వస్తుంటాయి. అలాంటి వారికి ఈ నోస్‌ స్ట్రిప్‌ చక్కగా పనిచేస్తుంది. ఫొటోలో చూపిన విధంగా ఇవి ముక్కుపై అతికించుకునేందుకు వీలైన ఆకారంలో కట్‌ చేసినట్లుగా ఉంటుంది. ఈ స్ట్రిప్‌ వెనకవైపు ఉన్న స్టిక్కర్‌ని తొలగించి ఫొటోలో చూపించినట్లుగా అతికిస్తే సరి.. అలా 15-20 నిమిషాలపాటు ఉంచుకుని నెమ్మదిగా దాన్ని తొలగించుకోవాలి. అంతే.. ఇలా క్రమంగా చేయడం వల్ల కొన్నాళ్లకు ముక్కుపై ఉండే బ్లాక్‌హెడ్స్‌ ఇట్టే మటుమాయమవుతాయి. ఎంతో సింపుల్‌గా ఉంది కదూ ఈ టూల్‌! వీటి నాణ్యత, ప్యాకెట్‌లో లభించే స్ట్రిప్స్‌ సంఖ్యను బట్టి వాటి ధర రూ.70 నుండి రూ.600 వరకు ఉంటుంది.

blackheadsremovalgh650-3.jpg

బ్లాక్‌హెడ్‌ వ్యాక్యూమ్‌ సక్షన్‌..

చర్మరంధ్రాల్లో పేరుకుపోయిన బ్లాక్‌హెడ్స్‌ని తొలగించడం కోసం అమ్మాయిలు ఎన్నెన్నో ప్రయత్నాలు చేస్తారు. కానీ అవెంత చేసినా చర్మం లోపలి నుండి శుభ్రపడాలంటే కేవలం స్క్రబ్‌తో మాత్రమే సాధ్యం కాదు. అందుకోసం ‘బ్లాక్‌హెడ్‌ వ్యాక్యూమ్‌ సక్షన్‌’ బాగా ఉపయోగపడుతుంది. చిత్రంలో చూపించిన విధంగా ఇది రేజర్‌లా ఉంటుంది. దీనికి నాలుగు రకాల మూతలు ఉంటాయి. మీకు కావాల్సిన విధంగా ఒక్కో మూతను మార్చుకుని మీరు మీ ముఖాన్ని శుభ్రపరచుకోవచ్చు. ముందుగా ఓ వెడల్పాటి గిన్నెలో వేడి నీటిని తీసుకుని వాటితో ముఖానికి ఆవిరి పట్టుకోవాలి. ఈ ప్రక్రియ ద్వారా చర్మ రంధ్రాలు తెరుచుకుని శుభ్రం చేయడానికి వీలుగా ఉంటుంది. ఇప్పుడు మూతల్ని మార్చుకుంటూ ఫొటోలో చూపించినట్లుగా టూల్‌ మధ్యభాగంలో ఉండే బటన్‌ని నొక్కుతూ ముఖమంతా గుండ్రంగా రుద్దుకోవాలి. ఫలితంగా ముఖంపై ఉండే బ్లాక్‌హెడ్స్‌తో పాటు మృతచర్మం కూడా తొలగిపోతుంది. దీని ధర నాణ్యతను బట్టి రూ.400 నుండి రూ.700 వరకు ఉంటుంది.

blackheadsremovalgh650-4.jpg

బ్లాక్‌హెడ్‌ రిమూవర్‌ ట్వీజర్‌ కిట్‌..

ఇలాంటి టూల్స్‌ని మనం ఎక్కువగా బ్యూటీపార్లర్‌లో ఫేషియల్‌ చేసే సమయంలో చూసుంటాం. వీటిని మనం ఉపయోగించగలమా అనుకోకండి. వాటిని ఉపయోగించాల్సిన సరైన పద్ధతి తెలిస్తే మనం ఈజీగా వాడుకోవచ్చు. సాధారణంగా బుగ్గలు, నుదురు, గడ్డం.. వంటి ముఖభాగాల్లో వచ్చే పింపుల్స్‌ని మనం చేతులతో గిల్లి సమస్యను ఇంకా పెద్దది చేస్తాం. ఇక నుండి అలాంటిపనులు చేయడం మానుకోండి. దానికోసం ‘బ్లాక్‌హెడ్‌ రిమూవర్‌ ట్వీజర్‌ కిట్‌’ని ఉపయోగించండి. పై చిత్రంలో చూపించినట్లు ఇవి 3 లేదా 5 టూల్స్‌ కలిపి ఒక కిట్‌గా ఉంటుంది. ఫొటోలో చూపించినట్లుగా ఇవి స్టెయిన్‌లెస్‌ స్టీల్‌తో తయారుచేయడం వల్ల చర్మానికి ఎలాంటి హానీ జరగదు. ఇందులో సూదిలా ఉన్న టూల్‌ని గమనించారా! దానిలోని పదునైన భాగంతో పింపుల్‌పై మెల్లగా గుచ్చాలి. ఆ తర్వాత ఈ టూల్‌ వెనక భాగంలో ఉండే రంధ్రం లాంటి దానితో ఆ పింపుల్‌ చుట్టూ ఒత్తాలి. ఆపై శుభ్రమైన బట్టతో తుడిచేయాలి. అలా చేసిన తర్వాత కూడా పింపుల్‌ ఇంకా అలాగే ఉంటే మనకు చూపించిన దానిలో ఫ్లకర్‌ ఆకారాల్లో ఉన్న వాటితో చర్మం రంధ్రంలోంచి బ్లాక్‌హెడ్‌ని బయటకు లాగేయాలి. ఇలా ముఖంపై ఉండే పింపుల్స్‌ దగ్గర్నుంచి బ్లాక్‌హెడ్స్‌ వరకు ఇంట్లోనే సులభంగా తొలగించుకోవచ్చు. ఈ టూల్‌ కిట్‌ నాణ్యతను బట్టి రూ.400 నుండి రూ.2500 వరకు ఉంటుంది.

blackheadsremovalgh650-6.jpg

ఫేషియల్‌ బ్లాక్‌హెడ్‌ రిమూవింగ్‌ స్పాచులా..

ముఖంపై ఉండే బ్లాక్‌హెడ్స్‌ని తొలగించుకోవడానికి మార్కెట్లో అందుబాటులో ఉన్న మరో టూల్‌ ‘ఫేషియల్‌ బ్లాక్‌హెడ్‌ రిమూవింగ్‌ స్ప్యాచులా’. పైన చిత్రంలో చూపించిన విధంగా ఇది అచ్చం రేజర్‌లా ఉంటుంది. అలాగని వంగినట్లుగా ఉన్న దీని కొన భాగం వల్ల ఎటువంటి హాని కలగదు. ఇది అంత పదునుగా కూడా ఉండదు. దీన్ని ముందుగా ఛార్జింగ్‌ చేసి ఆపై దీని మధ్య భాగంలో ఉండే స్టార్ట్‌ బటన్‌ని నొక్కి ముఖంపై కాస్త మృదువుగా ప్రెస్‌ చేస్తూ షేవ్‌ చేస్తున్నట్లుగా ముందుకు, వెనక్కి.. పైకి, కిందికి అనాలి. అంతే.. ఇలా క్రమంగా ఈ టూల్‌ని ఉపయోగిస్తే త్వరలోనే బ్లాక్‌హెడ్స్‌ని తొలగించుకోవచ్చు. అలాగే ఈ టూల్‌ కొన భాగం వెనుక వైపుతో ముఖంపై సుతారంగా మాయిశ్చరైజర్‌ని కూడా అప్లై చేసుకోవచ్చు. ఈ టూల్‌ నాణ్యతని బట్టి ధర రూ.1200 నుండి రూ.3000 దాకా ఉంటుంది.

ఇవే కాకుండా బ్లాక్‌హెడ్స్‌ తొలగించడానికి మార్కెట్‌లో వివిధ రకాల గ్యాడ్జెట్స్‌ అందుబాటులో ఉన్నాయి. మీకు ఈ సమస్య ఎక్కువగా ఉన్నట్లైతే ఈ టూల్స్‌ వాడడం కంటే సంబంధిత నిపుణుల్ని సంప్రదిస్తేనే సత్వర పరిష్కారం దొరుకుతుంది.

మగువల అందాన్ని, సౌందర్య సంరక్షణలో వారి పనిని మరింత సులభతరం చేసే ఇలాంటివి ఎన్నో రకాల బ్యూటీ గ్యాడ్జెట్స్‌ గురించి తెలుసుకోవాలంటే www.vasundhara.net లో ప్రతి శుక్రవారం ‘బ్యూటీ గ్యాడ్జెట్స్‌’ శీర్షికలో ప్రచురితమయ్యే ప్రత్యేక కథనాన్ని చదవండి.

Photos: Amazon.in





women icon@teamvasundhara
alaya-fs-home-made-coffee-mask-is-perfect-to-get-rid-of-dark-circles-puffiness-and-more

ఈ ‘కాఫీ ఫేస్’ మాస్క్ తో నవ యవ్వనం మీ సొంతం!

మచ్చలేని చందమామల్లా మెరిసిపోతుంటారు మన ముద్దుగుమ్మలు. మరి, ఆ అందానికి కారణం మేకప్‌ అనుకుంటాం.. కానీ ఇంటి చిట్కాలతోనే కుందనపు బొమ్మల్లా మెరిసిపోవచ్చని నిరూపిస్తున్నారు కొందరు నటీమణులు. ఈ క్రమంలోనే తాము పాటించే సౌందర్య చిట్కాలను ఫొటోలు, వీడియోల రూపంలో సోషల్‌ మీడియాలో పంచుకుంటుంటారు. బాలీవుడ్‌ యువ కథానాయిక అలయా ఫర్నిచర్‌వాలా కూడా తన సౌందర్య రహస్యమేంటో తాజాగా ఇన్‌స్టా పోస్ట్‌ రూపంలో పంచుకుంది. ఈ ఏడాది ‘జవానీ జానేమన్‌’ చిత్రంతో బాలీవుడ్‌లోకి అడుగుపెట్టిన ఈ అందాల తార.. ప్రస్తుతం కరోనా కారణంగా షూటింగ్స్‌ ఏమీ లేకపోవడంతో ఇంట్లోనే ఉంటోంది. అలాగని ఖాళీగా కూర్చోకుండా విభిన్న వంటకాలు చేస్తూ, వ్యాయామాలు చేస్తూ.. ఆ ఫొటోలు, వీడియోలను తన ఫ్యాన్స్‌తో పంచుకుంటోంది. ఇక ఇప్పుడు తన సౌందర్య రహస్యమేంటో చెప్తూ మరో పోస్ట్‌ పెట్టిందీ క్యూట్‌ బ్యూటీ.

Know More

women icon@teamvasundhara
bulgarian-beauty-secrets-in-telugu

బల్గేరియా భామల సౌందర్య సాధనం ఏంటో తెలుసా?

చాలామంది తమ అందాన్ని పెంపొందించుకోవడానికి అనుసరించే ఏకైక మార్గం మేకప్. వివిధ రకాల సౌందర్య ఉత్పత్తులతో తమ అందానికి మెరుగులు దిద్దుకునే మగువలు మన చుట్టూ ఎందరో ఉంటారు. కానీ అందాన్ని ద్విగుణీకృతం చేయడంలో ప్రకృతిని మించిన సౌందర్య సాధనం మరొకటి లేదని అంటున్నారు బల్గేరియన్ మగువలు. జుట్టు దగ్గర్నుంచి చర్మం, కొనగోటి సౌందర్యం వరకు సహజసిద్ధంగా లభించిన పదార్థాలతోనే తమ అందాన్ని సంరక్షించుకోవడం బల్గేరియన్ బ్యూటీస్‌కి అలవాటు. మరి, ఇంతకీ ఈ ముద్దుగుమ్మలు తమ సంపూర్ణ సౌందర్యాన్ని కాపాడుకోవడానికి ఉపయోగించే ఆ న్యాచురల్ కాస్మెటిక్ ప్రొడక్స్ ఏంటో మనమూ తెలుసుకుందాం రండి..

Know More

women icon@teamvasundhara
henna-hair-packs-to-treat-dandruff-problem

చుండ్రుకు చెక్ పెట్టేద్దామిలా..!

సీజన్ ఏదైనా సరే.. సౌందర్యపరంగా చిన్న చిన్న సమస్యలు తలెత్తడం సహజమే! అవి కేవలం చర్మ సంబంధితమైనవే కాదు.. కేశాలకు చెందినవి కూడా కావచ్చు. ఈ తరహా సమస్యలన్నింట్లోనూ చుండ్రు బాగా ముఖ్యమైంది. వాతావరణంలో కలిగే మార్పులు, మన శరీరంలో హార్మోన్ల స్థాయుల్లో జరిగే మార్పులు, జుట్టును సరిగ్గా శుభ్రం చేసుకోకపోవడం, కేశాలు పూర్తిగా ఆరకముందే ముడివేసుకోవడం.. ఇలా కారణం ఏదైనా చుండ్రు ఏర్పడి దానివల్ల జుట్టు విపరీతంగా రాలిపోయి, నిర్జీవంగా మారిపోవడం మాత్రం మామూలే! మరి, ఈ సమస్యకు మార్కెట్లో లభ్యమయ్యే హెన్నా పొడి (గోరింటాకు పొడి) ఉపయోగించి చక్కటి ఉపశమనం పొందచ్చని మీకు తెలుసా?? ఇందుకోసం మనం చేయాల్సిందల్లా దీన్ని ఇంట్లో దొరికే సహజసిద్ధమైన పదార్థాలతో కలిపి హెయిర్‌ప్యాక్‌లు తయారుచేసి వేసుకోవడమే..! ఇంతకీ ఆ హెయిర్‌ప్యాక్స్ ఎలా తయారుచేసుకోవాలి? అవి చుండ్రును తగ్గించి జుట్టును మెరిపించడంలో ఎలా దోహదం చేస్తాయి? రండి తెలుసుకుందాం..

Know More

women icon@teamvasundhara
how-often-you-should-wash-your-hair

తలస్నానం ఎప్పుడు చేయాలో తెలుసా..!

సిల్కీ హెయిర్‌ అయినా, ఉంగరాల జుట్టైనా, అలల్లాంటి ముంగురులైనా.. ఇలా ఎలాంటి జుట్టున్న వారైనా సరే.. తలస్నానం చేసే విషయంలో అందరూ ఒకే పద్ధతిని అనుసరిస్తుంటారు. ఈ క్రమంలో కొందరు రెండు, మూడు రోజులకోసారి తలస్నానం చేస్తే.. మరికొందరు వారానికోసారి మాత్రమే తలస్నానం చేస్తుంటారు. కానీ.. జుట్టు రకాన్ని బట్టి తలస్నానం చేసే విషయంలో పలు జాగ్రత్తలు తీసుకోవాలని చెబుతున్నారు నిపుణులు. ఫలితంగా కుదుళ్లు బలహీనపడడం, జుట్టు పొడిబారడం, చిట్లిపోవడం.. వంటి సమస్యలు తలెత్తకుండా జాగ్రత్తపడచ్చని వారు సూచిస్తున్నారు. మరి, జుట్టు రకాన్ని బట్టి తలస్నానం చేసే విషయంలో ఎలాంటి జాగ్రత్తలు తీసుకోవాలి? రండి.. తెలుసుకుందాం..

Know More

women icon@teamvasundhara
how-to-get-rid-of-black-marks-around-lips-and-neck?
women icon@teamvasundhara
home-remedies-to-turn-white-hair-to-black-hair

ఇలా చేస్తే తెల్లజుట్టు నల్లబడుతుంది..!

కొంతమందిలో వయసు తక్కువే అయినా.. జుట్టు మాత్రం తెల్లగా మారిపోయి.. వారిని ముసలివాళ్లలా కనిపించేలా చేస్తుంది. సాధారణంగా ఇలాంటి సమస్య ముప్ఫై సంవత్సరాలు నిండిన వారిలో ఎక్కువగా కనిపిస్తుంటుంది. ఇలాంటి వారిలో శరీరంలో ఉండే మెలనిన్ అనే వర్ణద్రవ్యం(హార్మోన్) తగ్గిపోవడమే కారణంగా చెప్పుకోవచ్చు. ఈ హార్మోన్ సాధారణంగా వయసు పైబడిన వారిలో కొద్దికొద్దిగా తగ్గుతూ వస్తుంది. కానీ కొంతమందిలో శరీరంలోని మార్పుల వల్ల ఇది ముందుగానే తగ్గే అవకాశం ఉంటుంది. చాలామంది నలుపురంగు డైలు వేసుకుంటూ ఈ సమస్యను కవర్ చేయడానికి ప్రయత్నిస్తారు కానీ.. ఇవి మన కేశాలపై ఉండే సహజమైన నూనెలను పీల్చేస్తాయి. ఫలితంగా జుట్టు జీవం లేకుండా తయారవుతుంది. మరెలా? అని ఆలోచిస్తున్నారా? కొన్ని సహజసిద్ధమైన పదార్థాలను ఉపయోగించి కూడా జుట్టును నల్లబర్చుకోవచ్చని మీకు తెలుసా? మరింకెందుకాలస్యం.. అవేంటో తెలుసుకుందాం రండి..

Know More

women icon@teamvasundhara
samantha-akkineni-shares-diy-hack-for-dehydrated-skin-that-works-wonders-

సమంత బ్యూటీ సీక్రెట్ ఇదేనట!

వెండితెరపై అందాల తారల్ని చూసినప్పుడల్లా ‘అబ్బ.. వీళ్లెంత అందంగా ఉన్నారో.. ఇదంతా మేకప్‌ మాయాజాలమేమో..’ అని మనలో చాలామంది అనుకోవడం సహజమే. అయితే మేకప్‌ వేసుకున్నప్పుడే కాదు.. మామూలుగానూ అపురూప సౌందర్య రాశుల్లా మెరిసిపోతుంటారు కొంతమంది ముద్దుగుమ్మలు. మరి, దీనికంతటికీ కారణమేంటో తెలుసా..? వారు రోజూ పాటించే సహజసిద్ధమైన సౌందర్య పద్ధతులే. ఇలా తాము పాటించే న్యాచురల్‌ బ్యూటీ టిప్స్‌ని సోషల్‌ మీడియా వేదికగా తమ ఫ్యాన్స్‌తో పంచుకుంటుంటారు కొందరు తారలు. అలాంటి వారిలో నేనూ ఉన్నానంటూ మన ముందుకొచ్చేసింది అందాల సమంత. తన వ్యక్తిగత, వృత్తిపరమైన విషయాలే కాదు.. తాను చేసే వ్యాయామాలు, పాటించే ఆహార నియమాలు.. వంటివన్నీ సోషల్‌ మీడియాలో పోస్ట్‌ చేస్తుంటుంది సామ్‌. ఇక ఇప్పుడు తాను పాటించే ఓ న్యాచురల్‌ బ్యూటీ టిప్‌ని పంచుకుంటూ బ్యూటీ పాఠాలు నేర్పుతోందీ తెలుగందం.

Know More

women icon@teamvasundhara
french-women-beauty-secrets-in-telugu

శృంగారం వల్లే వాళ్లు అంత అందంగా ఉంటారట!

అమ్మాయిల అందానికి కారణం మేకప్ అనేది చాలామంది భావన. కానీ ఇది పూర్తిగా అవాస్తవమని అంటున్నారు ఫ్రెంచ్ భామలు. వేలకు వేలు పోసి ఖరీదైన మేకప్ ఉత్పత్తులు కొనడం కంటే సహజసిద్ధమైన బ్యూటీ ట్రీట్‌మెంట్లు పాటించడం, శారీరక-మానసిక ఉత్తేజాన్ని అందిస్తూ చర్మాన్ని పునరుత్తేజితం చేసే స్పాలలో ఎక్కువ సమయం గడపడం.. వంటివి చేస్తుంటారు ఫ్రెంచ్ మహిళలు. అందుకే నవయవ్వనంతో మెరిసిపోతూ అందాల రాశుల్లా కనిపిస్తుంటారు. అంతేకాదు.. వారు రోజూ చేసే కొన్ని పనులు సైతం వారి అందాన్ని ద్విగుణీకృతం చేస్తాయట! మరి, ఆ పనులేంటి? ఫ్రెంచ్ మగువల అపురూప లావణ్యం వెనకున్న ఆ 'అంద'మైన రహస్యాలేంటి? తెలుసుకోవాలంటే ఈ ఆర్టికల్ చదవాల్సిందే!

Know More

women icon@teamvasundhara
how-to-remove-upper-my-upper-lip-hair-in-telugu
women icon@teamvasundhara
get-rid-of-underarm-blackness-naturally-in-telugu
women icon@teamvasundhara
here-are-the-parlour-precautionary-measures-that-customers-and-staff-must-follow-for-a-safe-visit

కరోనా అలర్ట్‌: బ్యూటీ పార్లర్‌కి వెళ్తున్నారా? అయితే ఇవి పాటించాల్సిందే!

రూప ఓ కంపెనీలో సాఫ్ట్‌వేర్‌ కన్సల్టెంట్‌గా పనిచేస్తోంది. అందాన్ని సంరక్షించుకోవడంలో భాగంగా రెండువారాలకోసారైనా ఫేషియల్‌ చేయించుకోవడం ఆమెకు అలవాటు. అయితే లాక్‌డౌన్‌ కారణంగా గత రెండు నెలల నుంచి పార్లర్లన్నీ మూతపడడంతో సౌందర్య నిపుణుల సలహా మేరకు ఇంట్లోనే స్వయంగా ఫేషియల్‌ చేసుకుంటోంది. గీతకు అవాంఛిత రోమాల సమస్య ఎక్కువ. వీటిని తొలగించుకోవడానికి పార్లర్‌ను ఆశ్రయిస్తుంటుందామె. అయితే పార్లర్లన్నీ గత రెండు నెలలుగా మూసే ఉండడంతో ఇంట్లోనే వ్యాక్సింగ్‌ చేసుకుంటోంది. అది సరిగ్గా వర్కవుట్‌ కాకపోవడంతో ఎప్పుడెప్పుడు పార్లర్లు తెరుస్తారా అని మొన్నటిదాకా ఎదురుచూసింది. వీళ్లే కాదు.. చాలామంది అమ్మాయిలు, మహిళలు తమ బ్యూటీ ట్రీట్‌మెంట్స్‌ కోసం బ్యూటీ పార్లర్లను, స్పా సెంటర్లను ఆశ్రయించడం సహజమే. అయితే లాక్‌డౌన్‌ కారణంగా రెండు నెలలుగా మూత పడిన సెలూన్లన్నీ లాక్‌డౌన్‌ సడలింపుల్లో భాగంగా క్రమంగా తెరుచుకుంటున్నాయి. అయితే ప్రస్తుత ప్రతికూల పరిస్థితుల్లో పార్లర్స్‌కి వెళ్లి అక్కడ ట్రీట్‌మెంట్‌ తీసుకునే క్రమంలో కొన్ని జాగ్రత్తలు పాటించడం తప్పనిసరి.

Know More

women icon@teamvasundhara
diy-hand-scrubs-that-you-can-use-to-get-soft-and-supple-hands-in-telugu

వీటితో చేతుల్ని కోమలంగా మార్చుకోండి!

కరోనా మహమ్మారి నుంచి మనల్ని మనం కాపాడుకోవాలంటే వ్యక్తిగత పరిశుభ్రత పాటించాలన్న విషయం తెలిసిందే. ఈ క్రమంలోనే బయటి నుంచి వచ్చిన ప్రతిసారీ లేదా ఇంట్లో ఉన్నా సరే... పదే పదే హ్యాండ్‌వాష్‌ లేదా సబ్బుతో చేతుల్ని రుద్ది మరీ కడుగుతున్నాం. అయితే ఇలా పదే పదే చేతుల్ని కడగడం వల్ల చేతులు తేమను కోల్పోయి పొడిబారిపోతున్నాయి.. నిర్జీవంగా మారిపోతున్నాయి. ఇక దీనికి తోడు మహిళలకు అదనంగా ఇంటి పని, వంట పని, గిన్నెలు తోమడం, బట్టలుతకడం.. వంటి రోజువారీ పనుల కారణంగా పదే పదే చేతులు నీళ్లలో నాని మరింత పొడిగా తయారవుతున్నాయి. ఫలితంగా దురద రావడం, మంట పుట్టడం, అలర్జీలు.. వంటి సమస్యలొచ్చే అవకాశమే ఎక్కువ. మరి, వీటి నుంచి బయటపడాలంటే ఇంట్లో లభించే కొన్ని పదార్థాలతోనే స్క్రబ్స్‌ తయారుచేసుకొని వాడితే ఫలితం ఉంటుందంటున్నారు సౌందర్య నిపుణులు. మరి, చేతుల్ని తేమగా, కోమలంగా మార్చే ఆ న్యాచురల్‌ స్క్రబ్స్‌ ఏంటో తెలుసుకొని, మనమూ ట్రై చేసేద్దామా..!

Know More

women icon@teamvasundhara
easy-ways-to-sanitize-your-beauty-products

కరోనా అలర్ట్‌: మేకప్‌ కిట్‌ని శానిటైజ్‌ చేయండిలా !

ఈ కరోనా సమయంలో ఏ వస్తువును ముట్టుకున్నా, పట్టుకున్నా భయంగానే అనిపిస్తోంది. అందుకే బయటి నుంచి రాగానే హ్యాండ్‌వాష్‌తో చేతుల్ని శుభ్రం చేసుకోవడం, పదే పదే శానిటైజర్‌ని వాడడం కామనైపోయింది. అయితే చేతులు శుభ్రం చేసుకోవడం వరకు బాగానే ఉంది కానీ కొన్ని వస్తువుల్ని ఎలా శానిటైజ్‌ చేయాలో అర్థం కాక తికమకపడిపోతుంటాం. అలాంటి వాటిలో మనం రోజూ ఉపయోగించే సౌందర్య ఉత్పత్తులు కూడా ఒకటి. మేకప్‌ బాక్స్‌నైతే శానిటైజర్‌తో శుభ్రం చేసేస్తాం.. మరి, అందులో ఉన్న ఉత్పత్తుల సంగతో! పౌడర్‌, క్రీమ్‌, మేకప్‌ బ్రష్‌లు.. వంటి వాటిని ఎలా శానిటైజ్‌ చేయాలో చాలామందికి అవగాహన ఉండకపోవచ్చు. తద్వారా వాటిని అలాగే అపరిశుభ్రంగా ఉపయోగించడం వల్ల వైరస్‌ వ్యాప్తి చెందే ప్రమాదం ఎక్కువగా ఉందని హెచ్చరిస్తున్నారు సౌందర్య నిపుణులు. కొన్ని సులభమైన చిట్కాలను పాటించడం వల్ల మనం రోజువారీ ఉపయోగించే సౌందర్య ఉత్పత్తులు, మేకప్‌ ఉత్పత్తుల్ని ఈజీగా శానిటైజ్‌ చేయచ్చంటున్నారు. ఇంతకీ ఆ చిట్కాలేంటో మనమూ తెలుసుకుందాం రండి..

Know More

women icon@teamvasundhara
beauty-benefits-of-matcha-green-tea

ఈ గ్రీన్‌టీ ఫేస్‌ మాస్క్‌తో మేం మెరిసిపోతున్నాం... మరి మీరు?

తమ అందానికి మెరుగులు దిద్దుకోవాలన్న ఆరాటం ప్రతి మహిళలోనూ ఉంటుంది. ఇక ఈ విషయంలో మన అందాల తారలు తీసుకునే ప్రత్యేక శ్రద్ధ గురించి ప్రత్యేకించి చెప్పక్కర్లేదు. ఆన్‌స్క్రీన్‌ అయినా, ఆఫ్‌స్క్రీన్‌ అయినా అపురూప లావణ్యంతో మెరిసిపోతుంటారు మన ముద్దుగుమ్మలు. మేకప్‌ వేసుకున్నప్పుడే కాదు.. డీ-గ్లామరస్‌గానూ తమకు మరెవరూ సాటిరారంటూ అదరగొడుతుంటారు. అయితే ఇంట్లో ఉన్నప్పుడు సహజసిద్ధమైన సౌందర్య ఉత్పత్తులు ఉపయోగించడమే తమ అందానికి కారణమంటూ పలు సందర్భాల్లో కొందరు నటీమణులు చెప్పుకొచ్చిన విషయం తెలిసిందే. పైగా లాక్‌డౌన్‌ కారణంగా గత రెండు నెలలుగా ఇంటికే పరిమితమైన ఈ క్యూట్‌ బ్యూటీస్‌ న్యాచురల్‌ ఫేస్‌ప్యాక్స్‌ ప్రయత్నిస్తూ.. ఆ ఫొటోలు, రెసిపీలను సోషల్‌ మీడియా వేదికగా తమ ఫ్యాన్స్‌తో పంచుకుంటున్నారు కూడా! అలా తాజాగా మన కపూర్‌ సిస్టర్స్‌ కరిష్మా, కరీనాతో పాటు పటౌడీ బ్యూటీ సోహా అలీ ఖాన్‌ కూడా ఓ సహజసిద్ధమైన ఫేస్‌మాస్క్‌ వేసుకొని.. ఆ ఫొటోల్ని సామాజిక మాధ్యమాల్లో పంచుకున్నారు. ఇంతకీ వాళ్లు వేసుకున్న ఆ న్యాచురల్‌ ఫేస్‌ మాస్క్‌ ఏంటి? దానివల్ల కలిగే సౌందర్య ప్రయోజనాలేంటో తెలుసుకుందాం రండి..

Know More

women icon@teamvasundhara
anti-aging-foods-for-women
women icon@teamvasundhara
beauty-tips-to-look-perfect-on-video-calls

వీడియో కాల్స్‌లో ఆకర్షణీయంగా కనిపించాలంటే!

లాక్‌డౌన్‌లో కొన్ని సడలింపులు ఇచ్చినా ఇంకా కొంత మంది ఇళ్లకే పరిమితమై ఉన్నారు. ఈ పరిస్థితుల్లో తమ స్నేహితులు, బంధువులు, సహోద్యోగులతో.. ప్రత్యక్షంగా మాట్లాడడం వీలు కాకపోవడంతో వీడియో కాల్స్‌ ద్వారా పరోక్షంగా మాట్లాడుతూ తృప్తి పడుతున్నారు చాలామంది. అలాగే ఇప్పటికీ చాలామంది ఇంటి నుంచే పని చేస్తుండడంతో ముఖ్యమైన చర్చలు, సమావేశాల కోసం వీడియో కాల్స్‌పైన ఆధారపడాల్సి వస్తోంది. అలాగే కొన్ని సంస్థల్లో నియామకాలు కూడా ఆన్‌లైన్‌లోనే జరుగుతున్నాయి. ఈక్రమంలో వీడియో కాల్స్‌ ఎలా పడితే అలా మాట్లాడకూడదు. దానికి కూడా ఒక పద్ధతి ఉంటుంది. కాల్‌లో మన మాటలతో పాటు.. మనం ఎలా కనిపిస్తున్నాం అనే దానిని బట్టి అవతల వ్యక్తి మనల్ని అంచనా వేసే అవకాశముంది. ఈ క్రమంలో వీడియో కాల్స్‌ మాట్లాడే క్రమంలో అందంగా, ఆకర్షణీయంగా కనబడడం మన చేతుల్లోనే ఉంది. అది ఎలాగో తెలుసుకుందాం..!

Know More

women icon@teamvasundhara
benefits-of-moringa-oil-for-skin
women icon@teamvasundhara
how-often-you-should-wash-your-hair

తలస్నానం ఎప్పుడు చేయాలో తెలుసా..!

సిల్కీ హెయిర్‌ అయినా, ఉంగరాల జుట్టైనా, అలల్లాంటి ముంగురులైనా.. ఇలా ఎలాంటి జుట్టున్న వారైనా సరే.. తలస్నానం చేసే విషయంలో అందరూ ఒకే పద్ధతిని అనుసరిస్తుంటారు. ఈ క్రమంలో కొందరు రెండు, మూడు రోజులకోసారి తలస్నానం చేస్తే.. మరికొందరు వారానికోసారి మాత్రమే తలస్నానం చేస్తుంటారు. కానీ.. జుట్టు రకాన్ని బట్టి తలస్నానం చేసే విషయంలో పలు జాగ్రత్తలు తీసుకోవాలని చెబుతున్నారు నిపుణులు. ఫలితంగా కుదుళ్లు బలహీనపడడం, జుట్టు పొడిబారడం, చిట్లిపోవడం.. వంటి సమస్యలు తలెత్తకుండా జాగ్రత్తపడచ్చని వారు సూచిస్తున్నారు. మరి, జుట్టు రకాన్ని బట్టి తలస్నానం చేసే విషయంలో ఎలాంటి జాగ్రత్తలు తీసుకోవాలి? రండి.. తెలుసుకుందాం..

Know More

women icon@teamvasundhara
homemade-eyeliner-and-mascara-recipes

కంటి అందాన్ని పెంచే ఉత్పత్తులు ఇంట్లోనే ఇలా..

ముఖంలో ఇతరుల దృష్టిని తొలుత ఆకర్షించేవి కళ్లే. అందుకే వాటిని మరింత ఆకర్షణీయంగా తీర్చిదిద్దుకోవడానికి ప్రాధాన్యమిస్తారు అతివలు. దీనికోసం ఐలైనర్, మస్కారా వంటి ఉత్పత్తులను ఉపయోగిస్తూ ఉంటారు. అయితే మార్కెట్లో లభించే వీటిలో రసాయనాల వినియోగం ఎక్కువగా ఉంటుంది. ఫలితంగా దీర్ఘకాలంలో వాటి ప్రభావం కళ్లపైనా.. వాటి సౌందర్యంపైనా పడే అవకాశం ఉంటుంది. అందుకే సహజసిద్ధమైన పదార్థాలతో ఇంట్లోనే తయారుచేసుకొన్న వాటిని ఉపయోగించడం మంచిది. అయితే వీటిని తయారుచేసుకోవడానికి పెద్దగా సమయం పట్టదు. ఖర్చు కూడా తక్కువే. పైగా కంటి ఆరోగ్యం దెబ్బతినకుండా కూడా ఉంటుంది. మరి ఎలాంటి రసాయనాలు ఉపయోగించకుండా.. ప్రకృతి అందించిన ఉత్పత్తులతో ఇంట్లోనే మస్కారా, ఐలైనర్ సులభంగా ఎలా తయారుచేసుకోవచ్చో తెలుసుకొందామా..

Know More

women icon@teamvasundhara
how-to-make-hair-toner-in-home

హెయిర్ టోనర్ ఇంట్లోనే ఇలా...

సౌందర్య పరిరక్షణ విషయంలో చర్మానికి ఎంత ప్రాధాన్యమిస్తామో.. కురుల విషయంలోనూ అదే రీతిలో వ్యవహరిస్తుంటాం. మేనిఛాయను పరిరక్షించుకోవడానికి ఉపయోగించినట్లే జుట్టు ఆరోగ్యాన్ని కాపాడుకోవడానికి కూడా కొంతమంది టోనర్‌ని ఉపయోగిస్తుంటారు. ఇది జుట్టుకి పోషణనివ్వడం మాత్రమే కాకుండా ఒత్తుగా, ఆరోగ్యంగా ఎదిగేలా చేస్తుంది. ముఖ్యంగా హెయిర్‌డైలు వేసుకొనే అలవాటు ఉన్నవారు వీటిని ఉపయోగించడం ద్వారా ఆ రంగు మరింత సహజంగా ఉన్నట్లు కనిపిస్తుంది. అయితే దీనికోసం మార్కెట్లో దొరికే ఉత్పత్తులను కాకుండా ఇంట్లోనే తయారుచేసుకొని ఉపయోగించుకోవడం మంచిది.

Know More

women icon@teamvasundhara
sugar-scrubs-to-glow-your-skin

‘పంచదార’ బొమ్మలా మెరిసిపోండి!

లాక్‌డౌన్‌ కారణంగా ఇంట్లో ఉండడమేమో గానీ.. చర్మ సంరక్షణ గురించి పట్టించుకోవడమే మానేశారు చాలామంది అమ్మాయిలు. ఎలాగూ బయటికి వెళ్లట్లేదు కదా అన్న నిర్లక్ష్యం ఒక కారణమైతే.. బద్ధకం మరో కారణం. అయితే ఇంట్లో ఉన్నా కూడా చర్మానికి అందాల్సిన పోషణ అందకపోతే చర్మం నిర్జీవంగా, జిడ్డుగా, పొడిబారిపోవడం ఖాయమంటున్నారు సౌందర్య నిపుణులు. ఫలితంగా మొటిమలు, అలర్జీ.. వంటి సమస్యలు తప్పవంటున్నారు. మరి, ఈ సౌందర్య సమస్యల నుంచి బయటపడాలంటే స్క్రబ్బింగ్‌ చక్కటి మార్గమని వారు సూచిస్తున్నారు. మరి, లాక్‌డౌన్‌ కదా.. సౌందర్య ఉత్పత్తులు ఎలా దొరుకుతాయి అనుకోకండి. వీటి కోసం ఖరీదైన ఉత్పత్తులతో పనిలేదు.. కేవలం మన వంటింట్లో ఉండే పంచదార చాలు.. ఇది మీ చర్మానికి స్క్రబ్‌లా పనిచేసి మీ చర్మంపై పేరుకుపోయిన మృతకణాలను తొలగిస్తుంది.. మచ్చలను మాయం చేస్తుంది.. తేమను, మెరుపును అందిస్తుంది. ఈ క్రమంలో పంచదారతో తయారుచేసుకునే కొన్ని సహజసిద్ధమైన స్క్రబ్స్‌ గురించి తెలుసుకుందాం రండి..

Know More

women icon@teamvasundhara
mandira-bedi-shared-flawless-and-quick-makeup-tutorial

‘మందిర’ మేకప్‌ పాఠాలు.. మనమూ విందామా?

ఫిట్‌నెస్‌, కుకింగ్‌, ఆన్‌లైన్‌ క్లాసులు.. ఇలా ఈ లాక్‌డౌన్‌ సమయాన్ని మన సినీ తారలు ఒక్కొక్కరూ ఒక్కో రకంగా సద్వినియోగం చేసుకుంటున్నారు. ఈ క్రమంలో బాలీవుడ్‌ ఫిట్టెస్ట్‌ బ్యూటీగా పేరుగాంచిన మందిరా బేడీ కూడా అటు వ్యాయామంపై శ్రద్ధ కనబరుస్తూనే.. ఇటు తన అందానికి మెరుగులద్దే ప్రయత్నం చేస్తోంది. ఈ క్రమంలోనే మేకప్‌ వేసుకోవడానికి గంటలు గంటలు సమయం కేటాయించాల్సిన అవసరం లేదంటూ.. రోజులో ఓ పన్నెండు నిమిషాలు వెచ్చిస్తే చాలు.. చూడచక్కని మేకప్‌తో సిద్ధమవ్వచ్చంటూ నేటి మహిళలందరికీ మేకప్‌ పాఠాలు చెబుతోంది మందిర. ఈ క్రమంలోనే ఓ మేకప్‌ ట్యుటోరియల్‌ వీడియోను ఇన్‌స్టాలో పోస్ట్‌ చేసిందీ ఫిట్టెస్ట్‌ బ్యూటీ.

Know More

women icon@teamvasundhara
cool-packs-in-summer

women icon@teamvasundhara
anti-aging-kitchen-ingredients-to-get-a-glowy-skin

ఈ లాక్‌డౌన్‌లో వయసును ‘లాక్‌’ చేయండిలా!

ఆఫీసుకు వెళ్లేటప్పుడు మన కోసం మనం కాస్త సమయం కేటాయించుకుందామన్నా సమయం దొరికేది కాదు. ఇంటి పని, వంట పనికి తోడు భర్తను ఆఫీస్‌కి పంపడం, పిల్లల్ని రడీ చేసి స్కూల్‌కి పంపడం.. ఇలా వీటితోనే సరిపోయేది. ఇక సాయంత్రం ఇంటికొచ్చాక మళ్లీ ఇంటి పని షరా మామూలే. అంతటి బిజీ లైఫ్‌స్టైల్లో అందాన్ని సంరక్షించుకోవడానికి ఓ అరగంటైనా సమయం ఉండేది కాదు. కానీ లాక్‌డౌన్‌ మొదలైనప్పట్నుంచి ఇంట్లో పని పెరిగినా, ఇంటి నుంచి పనిచేసినా కొంతమందికి కాస్తో కూస్తో ఖాళీ సమయం దొరికే అవకాశం ఉండచ్చు. అలాంటి అవకాశం ఉన్నవారు ఇలా దొరక్క దొరక్క దొరికిన ఆ సమయంలో మనం చేయాలనుకున్న పనులు చేసుకోవచ్చు. అందులో అందాన్ని సంరక్షించుకోవడం కూడా ఒకటి. చాలామంది చిన్న వయసులోనే ముఖంపై ముడతలు, గీతలు ఏర్పడుతున్నాయని దిగులు పడుతుంటారు. అలాంటి వారు ఈ వంటింటి ఔషధాలను ఉపయోగించుకొని నవ యవ్వనంగా మెరిసిపోవచ్చు. అదెలాగో ఇప్పుడు చూద్దాం..

Know More

women icon@teamvasundhara
ways-to-cover-gray-hair-naturally-at-home
women icon@teamvasundhara
raveena-cool-beauty-tip-for-this-hot-summer

కీరా ప్యాక్‌తో ‘కూల్‌’గా మెరిసిపోదాం!

అసలే వేసవి.. రోజురోజుకీ పెరిగే ఉష్ణోగ్రతలతో మనం ఎన్ని నీళ్లు తాగినా చెమట రూపంలో ఆవిరైపోతుంటాయి. తద్వారా శరీరం డీహైడ్రేషన్‌కి గురవుతుంది. అంతేనా.. దీనివల్ల చర్మం తేమను కోల్పోయి నిర్జీవంగా, పాలిపోయినట్లుగా మారిపోతుంది. అందుకే ఈ ఎండాకాలంలో అందం విషయంలో ఎన్ని జాగ్రత్తలు తీసుకున్నా వ్యర్థమే అని చెప్పచ్చు. అలాగని విసుగెత్తిపోకుండా ఈ బ్యూటీ టిప్‌ని ప్రయత్నించమని చెబుతోంది బాలీవుడ్‌ అందాల తార రవీనా టాండన్‌. లాక్‌డౌన్‌ నేపథ్యంలో స్వీయ నిర్బంధంలో ఉంటోన్న ఈ ముద్దుగుమ్మ.. తాను గతంలో చెప్పిన బ్యూటీ టిప్స్‌ని ఇప్పుడు వారానికొకటి చొప్పున మళ్లీ సోషల్‌ మీడియాలో పోస్ట్‌ చేస్తోంది.

Know More

women icon@teamvasundhara
henna-hair-packs-to-treat-dandruff-problem

చుండ్రుకు చెక్ పెట్టేద్దామిలా..!

సీజన్ ఏదైనా సరే.. సౌందర్యపరంగా చిన్న చిన్న సమస్యలు తలెత్తడం సహజమే! అవి కేవలం చర్మ సంబంధితమైనవే కాదు.. కేశాలకు చెందినవి కూడా కావచ్చు. ఈ తరహా సమస్యలన్నింట్లోనూ చుండ్రు బాగా ముఖ్యమైంది. వాతావరణంలో కలిగే మార్పులు, మన శరీరంలో హార్మోన్ల స్థాయుల్లో జరిగే మార్పులు, జుట్టును సరిగ్గా శుభ్రం చేసుకోకపోవడం, కేశాలు పూర్తిగా ఆరకముందే ముడివేసుకోవడం.. ఇలా కారణం ఏదైనా చుండ్రు ఏర్పడి దానివల్ల జుట్టు విపరీతంగా రాలిపోయి, నిర్జీవంగా మారిపోవడం మాత్రం మామూలే! మరి, ఈ సమస్యకు మార్కెట్లో లభ్యమయ్యే హెన్నా పొడి (గోరింటాకు పొడి) ఉపయోగించి చక్కటి ఉపశమనం పొందచ్చని మీకు తెలుసా?? ఇందుకోసం మనం చేయాల్సిందల్లా దీన్ని ఇంట్లో దొరికే సహజసిద్ధమైన పదార్థాలతో కలిపి హెయిర్‌ప్యాక్‌లు తయారుచేసి వేసుకోవడమే..! ఇంతకీ ఆ హెయిర్‌ప్యాక్స్ ఎలా తయారుచేసుకోవాలి? అవి చుండ్రును తగ్గించి జుట్టును మెరిపించడంలో ఎలా దోహదం చేస్తాయి? రండి తెలుసుకుందాం..

Know More

women icon@teamvasundhara
salons-parlours-are-closed-here-are-the-tips-to-pamper-yourself-at-home

ఈ లాక్‌డౌన్‌ వేళ.. ఇంటినే పార్లర్‌గా మార్చుకోండిలా!

కరోనా లాక్‌డౌన్‌తో అందరూ సామాజిక దూరం పాటిస్తున్నారు. ఈ క్రమంలో నిత్యావసరాలు తప్ప మిగిలిన షాపులన్నీ మూతపడ్డాయి. సాధారణంగా సెలవు రోజున, కనీసం పదిహేను రోజులకోసారైనా పార్లర్లకు వెళ్లడం చాలామంది అమ్మాయిలకు అలవాటు. ప్రస్తుతం కొనసాగుతోన్న లాక్‌డౌన్‌తో పార్లర్స్‌ కూడా మూతపడ్డాయి. దీంతో ఫేషియల్స్‌ చేయించుకోవట్లేదని, హెయిర్‌ స్పా మిస్‌ అవుతున్నామంటూ.. ఇలా చాలామంది ఇబ్బంది పడుతున్నారు. అయితే ఎలాగో బోలెడంత సమయం దొరికింది కాబట్టి.. దీన్నే మన సౌందర్య పోషణ కోసం వినియోగిస్తూ, ఇంటినే పార్లర్‌గా మార్చుకుంటే సహజసిద్ధమైన సౌందర్యం మన సొంతం చేసుకోవచ్చంటున్నారు సౌందర్య నిపుణులు. ఈ నేపథ్యంలో ఇంట్లో అందుబాటులో ఉండే వస్తువులతోనే పార్లర్‌ అనుభూతిని పొందాలంటే ఏం చేయాలో ఇప్పుడు చూద్దాం..

Know More

women icon@teamvasundhara
natural-ways-to-reduce-upper-lip-shadow

women icon@teamvasundhara
raveena-tondon-shares-another-beauty-tip-to-beat-the-heat-in-this-lockdown-period

ఈ హాట్‌ సమ్మర్‌లో రవీనా ‘కూల్‌’ టిప్స్‌.. మీకోసం!

వేసవి కాలం.. ఎన్నో సమస్యల వలయం. అటు ఆరోగ్యపరంగా, ఇటు అందం పరంగా.. ఎలా చూసుకున్నా ఎన్నో చిక్కులు తెచ్చిపెడుతుందీ కాలం. అయితే వీటన్నింటికీ ముఖ్య కారణం డీహైడ్రేషనే అంటోంది బాలీవుడ్‌ అందాల తార రవీనా టాండన్‌. ఈ వేసవిలో మన శరీరాన్ని ఎప్పుడూ చల్లగా, హైడ్రేటెడ్‌గా ఉంచుకోవడం వల్ల అందాన్ని, ఆరోగ్యాన్ని కాపాడుకోవచ్చని చెబుతోందీ లవ్లీ మామ్‌. ప్రస్తుతం లాక్‌డౌన్‌ కారణంగా స్వీయ నిర్బంధంలో ఉంటోన్న రవీనా.. ప్రతి బుధవారం ఒక్కో సౌందర్య చిట్కాను వివరిస్తూ.. తమ ఫ్యాన్స్‌లో స్ఫూర్తి నింపుతోంది. అనుకోకుండా వచ్చిన ఈ లాక్‌డౌన్‌ హాలిడేస్‌ని అందంపై దృష్టి పెట్టడానికి వినియోగించమని చెబుతోందీ సుందరి. ఈ క్రమంలోనే తాజాగా ఇన్‌స్టా వేదికగా మరో బ్యూటీ టిప్‌ని షేర్‌ చేసుకుందీ బాలీవుడ్‌ మామ్‌.

Know More

women icon@teamvasundhara
amazing-ways-to-cure-dandruff-with-neem

వేపతో చుండ్రుకు చెక్ పెట్టండిలా..!

ఇటీవలి కాలంలో చాలామందిలో చుండ్రు సాధారణమైన సమస్యగా మారిపోయింది. దీన్ని పోగొట్టుకోవడానికి మార్కెట్లో దొరికే యాంటీడాండ్రఫ్ షాంపూలను ఉపయోగిస్తుంటాం. అయితే వీటివల్ల కలిగే ఫలితం తాత్కాలిమే అవుతుంది. మరి ఈ సమస్య నుంచి శాశ్వత పరిష్కారం పొందేదెలా? చాలా సింపుల్.. వేపాకులు, వేపనూనె ఉపయోగించడం ద్వారా ఈ సమస్య నుంచి మనం విముక్తి పొందవచ్చు. వేపలో ఉండే యాంటీబ్యాక్టీరియల్, యాంటీఫంగల్, యాంటీ ఇన్‌ఫ్లమేటరీ గుణాలు చుండ్రు సమస్యను తగ్గించడంలో సాయపడతాయి. అంతేకాదు చుండ్రు కారణంగా వచ్చే దురద, మంటను సైతం ఇవి తగ్గిస్తాయి. మరి ఈ ఫలితాన్ని పొందాలంటే ఏం చేయాలో తెలుసుకుందామా...

Know More

women icon@teamvasundhara
coropna-virus-covid-19-raveena-tandon-giving-beauty-tips-in-lockdown-to-keep-hands-soft

కరోనా కాలం.. రవీనా బ్యూటీ పాఠం!

కరోనా ఎప్పుడైతే పురుడు పోసుకుందో ఇక అప్పట్నుంచి ఆ వైరస్‌ ముప్పును తప్పించుకోవడానికి మనమంతా తెగ చేతులు కడుగుతున్నాం. ఈ క్రమంలో సబ్బుల దగ్గర్నుంచి హ్యాండ్‌వాష్‌లు, శానిటైజర్లు.. వంటివి విచ్చలవిడిగా వాడుతున్నాం. అయితే కరోనా పుణ్యమాని చేతులు కడుక్కోవడం అనే మంచి అలవాటు మనకు అలవడినా.. ఇలా పదే పదే చేతుల్ని శుభ్రం చేసుకోవడం వల్ల కోమలంగా ఉండాల్సిన చేతులు పొడిబారిపోయి నిర్జీవంగా మారుతున్నాయి. ఇందుకు మనం ఉపయోగించే హ్యాండ్‌వాష్‌, హ్యాండ్‌ శానిటైజర్లలోని రసాయనాలు కూడా ఓ కారణమే. మరైతే, ఇలా పొడిబారిపోయిన చేతుల్ని తిరిగి కోమలంగా మార్చుకునేదెలా.. అని ఆలోచిస్తున్నారా? అందుకు ఓ చక్కటి చిట్కా సూచించింది బాలీవుడ్ అందాల తార రవీనా టాండన్‌. ప్రస్తుతం స్వీయ నిర్బంధంలో భాగంగా ఇంట్లోనే ఉంటోన్న ఈ బాలీవుడ్‌ బ్యూటీ.. దీనికి సంబంధించిన చిట్కాను చెబుతూ ఓ వీడియోను ఇన్‌స్టాలో పోస్ట్‌ చేసింది.

Know More

women icon@teamvasundhara
natural-body-scrubbers-for-a-healthy-skin

మేని మెరుపు కోసం వాడేద్దాం.. ఈ న్యాచురల్‌ స్క్రబ్బర్స్‌!

మండే ఎండాకాలం రాబోతోంది.. ఎండవేడిమి వల్ల వచ్చే చెమట, జిడ్డుదనం, మొటిమలు, అలర్జీ, క్రిములు.. ఇవన్నీ తలచుకుంటేనే ఎవరికైనా ‘బాబోయ్‌’ అనిపించడం సహజమే. వీటి నివారణకు చాలామంది బ్యూటీ ట్రీట్‌మెంట్స్‌, బయట దొరికే క్రీమ్స్‌.. అంటూ ఏవేవో సౌందర్య చిట్కాలను ఫాలో అయిపోతుంటారు. ఇలా ఎన్ని వాడినా కూడా.. శుభ్రత పాటించకపోతే అందాన్ని సంరక్షించుకోవడం కత్తి మీద సామే అవుతుంది. అందుకోసమే స్నానం చేసే సమయంలో చాలామంది స్క్రబ్బింగ్‌ గ్యాడ్జెట్స్‌ని ఉపయోగిస్తుంటారు. కానీ ఎంత అత్యాధునిక స్క్రబ్‌ టూల్స్‌ని వాడినా.. సహజ పదార్థాలతో తయారుచేసిన స్క్రబ్బర్స్‌ ముందు దిగదుడుపే అనడంలో సందేహం లేదు. న్యాచురల్‌గా లభించే పదార్థాలతో తయారుచేసిన ఈ స్క్రబ్బర్స్‌ని వాడడం వల్ల శరీరం పూర్తిగా శుభ్రపడడంతో పాటు మేనికి చక్కటి పోషణ కూడా అందుతుంది. తద్వారా ఎండాకాలంలో వచ్చే చర్మ సమస్యల నుండి ఉపశమనం పొందచ్చు. మరి, ఆ న్యాచురల్‌ స్క్రబ్బర్స్‌ ఏంటో తెలుసుకొని వాటిని మన సమ్మర్‌ బ్యూటీ కిట్‌లో చేర్చేసుకుందామా?

Know More