scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'బావే నమ్మించి మోసం చేశాడు..!'

'మన దేశంలో మహిళల భద్రత కోసం ఎన్ని చట్టాలు రూపొందించినా లైంగిక వేధింపులు ఎదుర్కొనే అమ్మాయిల సంఖ్య అంతకంతకూ పెరుగుతూనే ఉంది. ఈ బాధితుల్లో చిన్నపిల్లలు కూడా ఉండడం చింతించాల్సిన విషయం. అంతకంటే దౌర్భాగ్యం ఏంటంటే.. అసలు తాము వేధింపులకు గురవుతున్నట్లు కూడా ఆ చిన్న వయసులో కొందరికి తెలియకపోవడం! ఫలితంగా పురుషుల్లో ఎవరిని నమ్మాలన్నా మనసులో భయం గూడుకట్టుకొని పోతోంది. సరిగ్గా ఇలాంటి పరిస్థితుల నుంచే బయటపడిన ఓ అమ్మాయి యుక్తవయసుకు వచ్చిన తర్వాత మరొక అబ్బాయిని నమ్మింది. గాఢంగా ప్రేమించింది.. కానీ అతడు కూడా ఆమెను వంచించాడు. ఇలాంటి పరిస్థితుల్లో ఆమె ఏం చేసింది? ఎలాంటి నిర్ణయం తీసుకుంది? మొదలైన ప్రశ్నలన్నింటికీ సమాధానం తెలియాలంటే ఆమె మనసు పలికే హృదయరాగం వినాల్సిందే..'

Know More

Movie Masala

 
category logo

వీటితో ‘ఐ మేకప్‌’ అదుర్స్‌!

Eye Makeup Gadgets to lift up your beauty asset

beautygadgetstrip.gif

నేను కన్ను కొడితే అలా పడుంటారంతే’ అని ఓ సినిమాలో హీరోయిన్‌ త్రిష చెప్పే డైలాగ్‌ వింటే మీకేమనిపిస్తుంది? అమ్మాయిల కళ్లకు ఎంతటి వారినైనా కట్టిపడేయగలిగేంత శక్తి ఉందని చెప్పకనే చెప్తుంది కదూ! కానీ మన బిజీ జీవితంలో నిద్రలేకపోవడం.. ఒత్తిడికి గురవడం వంటివి సర్వ సాధారణమైపోయాయి. వీటి వల్ల కళ్ల కింద వాపు, నల్లటి వలయాలు ఏర్పడడం.. వంటి కంటి సమస్యలు తలెత్తుతున్నాయి. ఇక వాటిని తగ్గించుకోవడానికి అమ్మాయిలు పడే తంటాలు అన్నీ ఇన్నీ కావు.. ఇక కంటి మేకప్‌ విషయానికొస్తే.. ఎంతటి కలువ రేకుల్లాంటి కళ్లకైనా మరింత అందాన్ని అద్దుతుంది కాటుక. తమ కళ్లను కాటుకతో అందంగా తీర్చిదిద్దాలంటే.. ప్రతి అమ్మాయికీ అదో పెద్ద టాస్క్‌. మరి, ఓవైపు మనకెదురయ్యే కంటి సమస్యల్ని దూరం చేసుకుంటూనే.. మరోవైపు కళ్లకు సులభంగా మేకప్‌ వేసుకోవాలంటే ఇకపై మీ విలువైన సమయం వృథా చేసుకోవాల్సిన అవసరం లేదు. ఎందుకంటే ఆ పనుల్ని ఎంతో సులభతరం చేయడానికి ప్రస్తుతం మార్కెట్లో కొలువుదీరాయి కొన్ని గ్యాడ్జెట్స్‌. అవేంటో చూసేద్దామా మరి..

eyemakeupgadgetsgh650-1.jpg

ఐ కేర్‌ కూలింగ్‌ మాస్క్‌..

అటు ఆరోగ్యాన్ని.. ఇటు అందాన్ని.. పెంపొందించే ఔషధ గుణాలు కలిగిన మొక్కల్లో కలబంద ఒకటి. దీన్ని వివిధ సౌందర్య ఉత్పత్తుల తయారీలో కూడా వాడుతుంటారు. ఈ మొక్కలోని యాంటీబయోటిక్‌ గుణాలు పొడి బారి దురద పెడుతున్న కళ్లకు సాంత్వన చేకూరుస్తాయి. ఇందుకోసం కలబంద గుజ్జును ఉపయోగించవచ్చు. కానీ ఈ బిజీ జీవితంలో కలబంద గుజ్జును వేరు చేసి దాన్ని కళ్లకు అప్లై చేసుకోవడానికి చాలామందికి సమయం ఉండకపోవచ్చు. అలాంటి వాళ్ల కోసమే ‘ఐ కేర్‌ కూలింగ్‌ మాస్క్‌’ ప్రస్తుతం మార్కెట్లో లభ్యమవుతుంది. కలబందతో తయారుచేసిన ఈ కూలింగ్‌ మాస్క్‌ మనం నిద్రించేటప్పుడు ఉపయోగించే కళ్ల మాస్క్‌లాగానే ఉంటుంది. ఫొటోలో చూపించినట్లుగా అచ్చం కళ్లజోడులా ఉండే దీనికి ఇరువైపులా లెన్స్‌ ఆకారంలో ప్యాకెట్స్‌ ఉంటాయి. వాటిలో కలబంద గుజ్జు నిండి ఉంటుంది. ఈ మాస్క్‌ని ముందుగా 15-20 నిమిషాల పాటు ఫ్రిజ్‌లో ఉంచి ఆపై ఫొటోలో చూపించినట్లుగా కళ్లజోడుగా పెట్టేసుకోవచ్చు. ఇలా 10-15 నిమిషాల పాటు ఉంచుకుంటే సరిపోతుంది. అంతే! మీ కళ్లకి సాంత్వన లభిస్తుంది. తరుచూ ఈ పద్ధతిని పాటించడం వల్ల కళ్లు ఉబ్బడం, కళ్ల కింద నల్లటి వలయాలు.. వంటి సమస్యలు తగ్గుతాయి. ఈ మాస్క్‌ను ఎన్ని సార్లు కావాలంటే అన్నిసార్లు ఉపయోగించుకోవచ్చు. కేవలం ఇవే కాదు.. ముఖమంతా అమర్చుకునేలా కలబందతో తయారుచేసిన ఫేస్‌మాస్క్‌లు కూడా మార్కెట్‌లో అందుబాటులో ఉన్నాయి. వాటితో మీ ముఖం మొత్తానికి ఏకకాలంలోనే సాంత్వన లభిస్తుంది. ఈ కలబంద కూలింగ్‌ మాస్క్‌ నాణ్యతను బట్టి ధర రూ.125 నుండి రూ.200 వరకు ఉంటుంది.

eyemakeupgadgetsgh650-2.jpg

అండర్‌ ఐ ప్యాడ్స్‌..

కలువ రేకుల్లాంటి కళ్లు కావాలని కోరుకోని అమ్మాయింటుందా చెప్పండి! కానీ అధిక శ్రమ, ఒత్తిడి, నిద్రలేమి వల్ల కళ్ల కింద నల్లటి వలయాలు, ఉబ్బు.. వంటి సమస్యలు నేటి తరం అమ్మాయిల్లో కామన్‌గా మారిపోయాయి. వీటిని నయం చేసుకోవడం కోసం బ్యూటీపార్లర్ల చుట్టూ తిరిగి మీ సమయాన్ని, డబ్బును వృథా చేసుకోవాల్సిన అవసరం లేదు. ఎందుకంటే చాలా సింపుల్‌గా ఇంటిలో దొరికే బాదం నూనె, కీర గుజ్జు, బంగాళాదుంప గుజ్జును ఇందుకోసం ఉపయోగించవచ్చు. కానీ వాటిని కళ్ల కింద అప్లై చేసిన తర్వాత అవి ఎక్కువ సమయం నిలిచి ఉండాలన్నా, వాటిపై దుమ్ము-ధూళి చేరకుండా ఉండాలన్నా నూనె లేదా గుజ్జు రాసుకున్న తర్వాత దానిపై ‘అండర్‌ ఐ ప్యాడ్స్‌’ని అతికించేస్తే సరి. ఫొటోలో చూపించినట్లుగా ఇవి కంటి కింద సెట్‌ చేసుకోవడానికి వీలుగా కర్వీ షేప్‌లో లభ్యమవుతాయి. వీటికి వెనక వైపు ఉండే స్టిక్కర్‌ని తొలగించి నేరుగా కంటి కింద అతికించేస్తే సరి. అంతేకాదు.. మీరు మస్కారా, కాటుక పెట్టుకునేటప్పుడు కూడా వీటిని కళ్ల కింద అతికించడం వల్ల కంటి చుట్టుపక్కలా కాటుక అంటకుండా జాగ్రత్తపడచ్చు. వీటి నాణ్యత, ప్యాడ్స్‌ సంఖ్యను బట్టి ఒక ప్యాకెట్‌ ధర రూ. 150 నుండి రూ. 350 వరకు ఉంటుంది.

eyemakeupgadgetsgh650-3.jpg

క్యాట్‌ లైన్‌ ఐలైనర్‌ స్టెన్సిల్‌..

కళ్లకి మేకప్‌ అంటే కేవలం కాటుక పెట్టుకోవడం మాత్రమే కాదు.. -లైనర్‌, మస్కారా, ఐ షాడో అంటూ చాలా రకాలుగా కంటిని అందంగా తీర్చిదిద్దుకోవచ్చు. అయితే అలా తీర్చిదిద్దుకోవాలంటే కాస్త కష్టమైన పనే.. అంతేకాదు.. కంటికి మేకప్‌ చేసుకోవాలంటే ట్రైనింగ్‌ తీసుకున్న వారి వల్లే సాధ్యమవుతుంది అని భావించే వారూ లేకపోలేదు. ఇక మీదట ఇలా మిమ్మల్ని మీరు చిన్నబుచ్చుకోనక్కర్లేదు. ఎందుకంటే కంటి మేకప్‌ను ఈజీగా చేసుకోవడానికి వీలుగా ప్రస్తుతం ‘క్యాట్‌ లైన్‌ ఐలైనర్‌ స్టెన్సిల్’ మార్కెట్లో కొలువుదీరింది. ఫొటోలో చూపించినట్లుగా స్లిమ్‌ క్యాట్‌, సిట్టింగ్‌ క్యాట్‌.. ఇలా రెండు పిల్లుల మాదిరిగా ఉంటాయీ టూల్స్‌. ఈ క్రమంలో స్లిమ్‌గా ఉన్న క్యాట్‌ టూల్‌తో ఐ షాడో, కాటుకను ఫొటోలో చూపించినట్లుగా చక్కగా పెట్టుకోవచ్చు. అలాగే సిట్టింగ్‌ క్యాట్‌తో వివిధ రకాల షేప్స్‌లో ఐ-లైనర్‌ని తీర్చిదిద్దుకోవచ్చు. వీటిపై ఇచ్చిన లైన్‌ మార్క్స్‌ ప్రకారం మన కళ్లపై పెట్టుకుని మేకప్ చేసుకోవడం వల్ల అవి తీరైన ఆకృతిలో రావడమే కాకుండా పరిధి దాటకుండా చక్కగా కనిపిస్తాయి. వీటి వల్ల మీ కళ్ల మేకప్‌ నిపుణులు చేసినట్టుగా ఉంటుంది. వీటి నాణ్యతను బట్టి ధర రూ. 90 నుండి రూ. 150 వరకు ఉంటుంది.

eyemakeupgadgetsgh650-4.jpg

-బ్రో స్టెన్సిల్స్‌ మౌల్డ్‌..

కళ్లకంతా చక్కగా మేకప్‌ చేసి ఐ-బ్రోస్‌ని అలా వదిలేస్తే ఐ మేకప్‌ అసంపూర్ణమే అవుతుంది. మరి, వాటిని చక్కటి షేప్‌లో తీర్చిదిద్దుకోవడానికి త్రెడింగ్‌ చేసుకోవడం మనకు తెలిసిందే. ఈ క్రమంలో ఐ-బ్రో ఒత్తుగా ఉంటే సమస్య ఉండదు. కానీ కొంతమందికి ఐబ్రోస్‌ పల్చగా ఉంటాయి. వాటిని ఒత్తుగా కనిపించేలా చేయడానికి ఐ-బ్రో పెన్సిల్‌ని ఉపయోగిస్తుంటారు. కానీ, పెస్సిల్‌తో ఐ-బ్రోస్‌పై గీసేటప్పుడు ఎలా పడితే అలా ఒక షేప్‌ అంటూ లేకుండా గీస్తే అందం చెడిపోతుంది. -లైనర్‌, -షాడో లాగే దీనిని కరెక్ట్‌ షేప్‌లో గీయడానికి ‘ఐ-బ్రో స్టెన్సిల్స్‌ మౌల్డ్‌’ చక్కగా ఉపయోగపడుతుంది. అయితే ఐబ్రోస్‌ అప్పటికే షేప్‌ చేసుకుని ఉన్నప్పటికీ వాటిపై పెన్సిల్‌తో నేరుగా గీయడం కాస్త కష్టమే. కానీ ‘ఐ-బ్రో స్టెన్సిల్స్‌ మౌల్డ్‌’ ఆ పని మరింత సులువవుతుంది. ఫొటోలో చూపించినట్లుగా రకరకాల ఐ-బ్రో ఆకారాల్లో కట్‌ చేసిన స్టిక్కర్స్‌ మాదిరిగా ఉంటాయివి. వాటిలో మన ఐ-బ్రో షేప్‌కి సరిపడే స్టిక్కర్‌ని ఎంచుకుని దాన్ని ఫొటోలో చూపించినట్లుగా మన ఐ-బ్రో బయటకు కనిపించేలా దాని చుట్టూ అతికించాలి. ఆపై ముందుగా పెన్సిల్‌తో అవుట్‌లైన్‌ గీసుకుని మిగిలిన దాన్ని ఒత్తుగా కనిపించేలా తీర్చిదిద్దుకుంటే సరి. అంతే! మీకు నచ్చిన తీరైన ఆకారంలో ఒత్తైన ఐ-బ్రోస్‌ రడీ! ఈ స్టెన్సిల్స్‌ మౌల్డ్స్‌ లభించే ఆకారాలను బట్టి ధర కూడా ఉంటుంది. వీటి ఆకృతి, నాణ్యతను బట్టి ఒక ప్యాకెట్‌ (24 స్టెన్సిల్స్‌) ధర రూ. 220 నుండి రూ. 450 వరకు ఉంది.

eyemakeupgadgetsgh650-5.jpg

-లైనర్‌ ఐ-షాడో మౌల్డ్‌ స్టిక్కర్స్‌..

-లైనర్‌ మీ కంటి అందాన్ని రెట్టింపు చేస్తుంది. కానీ, కళ్లకి సాదాసీదాగా ఐ-లైనర్‌ని పెట్టుకుంటే ఏం బాగుంటుంది. దాన్ని కాస్త ప్రత్యేకంగా తీర్చిదిద్దుకుంటే.. అందరి చూపూ మీ కళ్లని దాటిపోదు. వింగ్‌, ఫిష్‌ టెయిల్‌, డబుల్‌ లైన్‌, క్యాట్‌ ఐ.. అంటూ ఐ-లైనర్‌లోనూ చాలా రకాలున్నాయి. కానీ వాటిని మనమే నేరుగా పెట్టుకోవాలంటే చాలామందికి అంత పర్‌ఫెక్ట్‌గా కుదరకపోవచ్చు. పైగా వాటిని పెట్టుకునే క్రమంలో సరిగ్గా కుదరకపోతే మిగతా మేకప్‌ మొత్తం చెడిపోతుంది. అందుకే ఎలాంటి కష్టం లేకుండా మీరే చాలా ఈజీగా ఐలైనర్‌ని మీకు కావాల్సినట్లుగా తీర్చిదిద్దుకోవాలంటే ‘ఐ-లైనర్‌ ఐ-షాడో మౌల్డ్‌ స్టిక్కర్స్‌’ ఉపయోగించాల్సిందే! ఫొటోలో చూపించినట్లుగా ఒక ప్యాక్‌లో దాదాపు 32 రకాల షేప్స్‌లో కట్‌ చేసిన మోల్డ్‌ స్టిక్కర్స్‌ ఉంటాయి. వీటిని ఉపయోగించడం చాలా సులభం. మీకు కావాల్సిన షేప్‌ స్టిక్కర్‌ని కంటిపై భాగంలో అతికించుకొని ఫొటోలో చూపించినట్లుగా కట్‌ చేసి ఉన్న లైన్‌ చివరి నుంచి లైనర్‌తో గీస్తే సరి. అంతే మీరనుకున్న ఐ-లైనర్‌ షేప్‌ రడీ. అదే పద్ధతిని ఉపయోగించి ఐ-షాడో మేకప్‌ చేసుకోవడానికి కూడా వీటిని ఉపయోగించుకోవచ్చు. వీటి నాణ్యతను బట్టి, వివిధ ఆకృతుల్లో ఉన్న స్టిక్కర్స్‌ ప్యాక్‌ను బట్టి ధర రూ. 250 నుండి రూ. 500 వరకు ఉంటుంది.

eyemakeupgadgetsgh650-6.jpg

ఐలిడ్‌ లిఫ్టర్‌..

మేకప్‌ల రూపంలో కంటికి ఎన్ని అందాలచందాలను అద్దినా కళ్లు చిన్నవిగా, లోపలికి పోయినట్లుగా ఉంటే మనం చేసిన మేకప్‌ అంతా వ్యర్ధం. ఎంతైనా కలువల్లా విచ్చుకున్న కళ్లు పలికే భావాలు మనల్ని కట్టిపడేస్తాయి అనడంలో సందేహం లేదు. మరి పుట్టుకతో వచ్చిన కళ్లను పెద్దవిగా ఎలా చేయగలం అనుకుంటున్నారా? దానికీ ఓ ఉపాయం ఉందండీ! అదే ‘ఐలిడ్‌ లిఫ్టర్‌’.. ఫొటోలో చూపించినట్లుగా చర్మ రంగులో కలిసిపోయినట్లుగా సన్నగా టేప్‌ మాదిరిగా ఉండే వీటిని మనం మన కనురెప్పలపై కాస్త లాగి అతికించుకోవాలి. ఒకవేళ కంటిపై వాపు ఉన్నట్లుగా కనిపిస్తే ఆ మధ్య భాగంలో ఈ స్ట్రిప్‌ను కాస్త లాగి అతికించుకుంటే వాపు కనిపించకుండా జాగ్రత్తపడచ్చు. అంతేకాదు.. దీని వల్ల కళ్లు పెద్దగా కనిపించే అవకాశం కూడా ఉంటుంది. ఇవి టేప్‌లాగా, స్టిక్కర్స్‌లాగా.. ఇలా విభిన్న ఆకృతుల్లో మార్కెట్‌లో లభ్యమవుతున్నాయి. అందులో మన చర్మ రంగును బట్టి వాటిని ఎంచుకోవడం మంచిది. వీటిలో ట్రాన్స్‌పరెంట్‌గా ఉండేవి కూడా ఉంటాయి. వాటిని ఎంచుకునే విషయంలో, అతికించుకునే విషయంలో జాగ్రత్త వహించండి. ఎందుకంటే అతికించుకున్న తర్వాత ఇవి కాస్త జరిగినా మీ మేకప్‌ మొత్తం పాడైపోతుంది. ఇవి కూడా ప్యాక్‌లో లభించే సంఖ్య, నాణ్యతను బట్టి ధర ఉంటుంది. టేప్‌ లాంటివి అయితే రూ. 200 నుండి రూ. 400 వరకు ఉంటుంది. అదే స్టిక్కర్స్‌ అయితే రూ. 2,500 దాకా ధర ఉంటుంది.

ఇవే కాకుండా మార్కెట్‌లో ఐ-మేకప్‌ కోసం రకరకాల గ్యాడ్జెట్స్‌ లభ్యమవుతున్నాయి. మీరు తరచూ మేకప్‌ వేసుకునే వారైతే ఇవి మీకు చాలా ఉపయోగపడతాయి. ఇక మీ బడ్జెట్‌ని బట్టి వీటిని ఎంచుకుని మీ కళ్లతో అందరినీ కట్టిపడేయండి!

మగువల అందాన్ని, సౌందర్య సంరక్షణలో వారి పనిని మరింత సులభతరం చేసే ఇలాంటి బోలెడన్ని బ్యూటీ గ్యాడ్జెట్ల గురించి తెలుసుకోవాలంటే www.vasundhara.net లో ప్రతి శుక్రవారం అందించే అప్‌డేట్స్‌ని మిస్‌ కాకుండా చదవండి.





women icon@teamvasundhara
how-often-you-should-wash-your-hair-in-telugu

తలస్నానం ఎప్పుడు చేయాలో తెలుసా..!

సిల్కీ హెయిర్‌ అయినా, ఉంగరాల జుట్టైనా, అలల్లాంటి ముంగురులైనా.. ఇలా ఎలాంటి జుట్టున్న వారైనా సరే.. తలస్నానం చేసే విషయంలో అందరూ ఒకే పద్ధతిని అనుసరిస్తుంటారు. ఈ క్రమంలో కొందరు రెండు, మూడు రోజులకోసారి తలస్నానం చేస్తే.. మరికొందరు వారానికోసారి మాత్రమే తలస్నానం చేస్తుంటారు. కానీ.. జుట్టు రకాన్ని బట్టి తలస్నానం చేసే విషయంలో పలు జాగ్రత్తలు తీసుకోవాలని చెబుతున్నారు నిపుణులు. ఫలితంగా కుదుళ్లు బలహీనపడడం, జుట్టు పొడిబారడం, చిట్లిపోవడం.. వంటి సమస్యలు తలెత్తకుండా జాగ్రత్తపడచ్చని వారు సూచిస్తున్నారు. మరి, జుట్టు రకాన్ని బట్టి తలస్నానం చేసే విషయంలో ఎలాంటి జాగ్రత్తలు తీసుకోవాలి? రండి.. తెలుసుకుందాం..

Know More

women icon@teamvasundhara
what-is-the-solution-for-my-dry-skin-in-telugu
women icon@teamvasundhara
sugar-scrubs-to-glow-your-skin-in-telugu

‘పంచదార’ బొమ్మలా మెరిసిపోండి!

ఏ వయసు వారికైనా సరే.. చర్మానికి అందాల్సిన పోషణ అందకపోతే చర్మం జిడ్డుగా, నిర్జీవంగా, పొడిబారిపోవడం ఖాయం. ఫలితంగా మొటిమలు, అలర్జీ.. వంటి సమస్యలు తప్పవు. మరి, ఈ సమస్యల నుంచి బయటపడాలంటే స్క్రబ్బింగ్ చక్కటి మార్గమంటున్నారు సౌందర్య నిపుణులు. వీటి కోసం ఖరీదైన ఉత్పత్తులతో పనిలేదు.. కేవలం మన వంటింట్లో ఉండే పంచదార చాలు.. ఇది చర్మానికి స్క్రబ్‌లా పనిచేసి చర్మంపై పేరుకుపోయిన మృతకణాలను తొలగిస్తుంది.. మచ్చలను మాయం చేస్తుంది.. తేమను, మెరుపును అందిస్తుంది. ఈ క్రమంలో పంచదార, ఇతర పదార్ధాలతో ఇంట్లోనే తయారుచేసుకునే కొన్ని సహజసిద్ధమైన స్క్రబ్స్ గురించి తెలుసుకుందాం రండి..

Know More

women icon@teamvasundhara
tips-to-get-that-glow-after-menopause-in-telugu

మెనోపాజ్ దశలో అందాన్ని సంరక్షించుకోండిలా!

వేడి ఆవిర్లు, ఇర్రెగ్యులర్‌ పిరియడ్స్‌, మూడ్‌ స్వింగ్స్‌, బరువు పెరగడం.. ఇలా చెప్పుకుంటూ పోతే మెనోపాజ్‌ దశలో మహిళలకు కంటి మీద కునుకు లేకుండా చేసే సమస్యలెన్నో! కేవలం ఆరోగ్యపరంగానే కాదు.. అతివల సౌందర్యాన్ని కూడా దెబ్బతీస్తుందీ దశ. చర్మం పొడిబారడం, మొటిమలు-మచ్చలు ఏర్పడడం, నిర్జీవమైపోవడం.. వంటివి మెనోపాజ్‌ దశకు చేరువవుతోన్న వారిలో మనం గమనించచ్చు. అయితే ఇదంతా హార్మోన్ల అసమతుల్యత వల్లే జరుగుతుందంటున్నారు సౌందర్య నిపుణులు. అలాగని అందం తగ్గిపోతుందని నిరుత్సాహపడకుండా చక్కటి స్కిన్‌కేర్‌ రొటీన్‌ పాటిస్తే సౌందర్యాన్ని సంరక్షించుకోవచ్చని సలహా ఇస్తున్నారు. మరి, ఇంతకీ ఆ చిట్కాలేంటో మనమూ తెలుసుకుందాం రండి..

Know More

women icon@teamvasundhara
reasons-why-you-should-never-sleep-with-wet-hair

జుట్టు తడిగా ఉండగానే నిద్రపోతున్నారా? అయితే ఈ సమస్యలు తప్పవు!

రోజువారీ పనుల్లో పడిపోయి, వృత్తి ఉద్యోగాల్లో బిజీగా ఉన్న మహిళలకు తమకంటూ కాస్త సమయం కేటాయించుకోవడానికి కూడా సమయం సరిపోదు. కనీసం తమ అందాన్ని పరిరక్షించుకోవడానికి కూడా వారికి టైముండదు! ఈ క్రమంలో చివరికి తల స్నానాన్ని కూడా వాయిదా వేసే వారూ లేకపోలేదు. ఇలాంటి వారు ఏ రాత్రికో, పడుకునే ముందో తలస్నానం చేసి ఆరబెట్టుకోవడానికి సమయం లేక.. జుట్టు తడిగా ఉండగానే నిద్ర పోతుంటారు. మీరూ ఇలాగే చేస్తున్నారా? అయితే మీ జుట్టు ఆరోగ్యాన్ని మీరే చేజేతులా దెబ్బ తీస్తున్నారన్నమాట! అంతేకాదు.. ఈ అలవాటు మన రోగనిరోధక శక్తి పైనా ప్రతికూల ప్రభావం చూపుతుందంటున్నారు నిపుణులు. మరి, తడి జుట్టుతో అలాగే నిద్రపోవడం వల్ల సౌందర్యపరంగా, ఆరోగ్యపరంగా ఎలాంటి సమస్యలు ఎదురవుతాయి? అలా జరగకూడదంటే ఎలాంటి జాగ్రత్తలు పాటించాలి? రండి.. తెలుసుకుందాం..

Know More

women icon@teamvasundhara
how-stress-impacts-on-your-skin-and-ways-to-deal-with-it-in-telugu

టెన్షన్ పడితే అందం తగ్గిపోతుందట.. జాగ్రత్త!

ఈ రోజుల్లో వ్యక్తిగతంగానైనా, వృత్తిపరంగానైనా ఒత్తిడి, ఆందోళనలతో సావాసం చేయక తప్పట్లేదు. ఎంత వద్దనుకున్నా.. ఏదో ఒక రూపంలో ఈ మానసిక సమస్యలు మనల్ని కుంగదీస్తున్నాయి. తద్వారా వివిధ రకాల అనారోగ్యాలు చుట్టుముడుతున్నాయి. అయితే ఇలాంటి ఒత్తిళ్లు మన అందాన్నీ దెబ్బతీస్తాయని చెబుతున్నారు నిపుణులు. చర్మాన్ని నిర్జీవం చేయడం దగ్గర్నుంచి జుట్టు నెరిసిపోవడం దాకా.. ఇలా అణువణువూ ఈ ఒత్తిడి సౌందర్యాన్ని హరిస్తుందని హెచ్చరిస్తున్నారు. మరి, ఇంతకీ ఒత్తిడికి, అందానికి సంబంధమేంటి? దీని కారణంగా సౌందర్యపరంగా ఎలాంటి సమస్యలొస్తాయి? ఈ మానసిక రుగ్మతలను దూరం చేసుకోవాలంటే ఏం చేయాలి? తెలుసుకోవాలంటే ఇది చదవాల్సిందే!

Know More

women icon@teamvasundhara
last-minute-grooming-tips-for-valentines-day-in-telugu

అందుకోసం ఒక్క పూటలో రడీ అవ్వండి..!

చూస్తుండగానే వేలంటైన్స్‌ డే వచ్చేస్తోంది. మీ ప్రియమైన వారిని ఎక్కడ కలవాలో, ఏ బహుమతి ఇవ్వాలో, ఆ రోజంతా వారితో ఎలా గడపాలో ప్లాన్ చేశారా..? మరి మీరు మీ వేలంటైన్‌ని కలవడానికి ఎలా రడీ అవ్వాలో కూడా ఆలోచించుకున్నారా..? ఏదైనా ప్రత్యేకమైన రోజు దగ్గరపడుతోందంటే అందుకు కావాల్సిన ఏర్పాట్లన్నీ ముందు నుంచీ ప్లాన్ చేసుకోవడం మనకు అలవాటే. కానీ పనులు ప్లాన్ చేసుకున్నంత శ్రద్ధగా మనల్ని మనం పట్టించుకోం. తీరా ఆరోజు హడావుడిగా తయారై ఏదోలా కానిచ్చేస్తాం. ఇక నుంచీ అలా కాకుండా మనకోసం మనం ఒక్క పూట కేటాయించుకుని, ప్రేమికుల దినోత్సవం వంటి ప్రత్యేకమైన సందర్భంలో మరింత ప్రత్యేకంగా కనిపించేద్దాం. అదెలాగంటే.. ఇదిగో ఇలాగే..!

Know More

women icon@teamvasundhara
all-you-need-to-know-about-oil-cleansing-in-telugu

చర్మాన్ని మెరిపించే ‘ఆయిల్‌ క్లెన్సింగ్‌’!

ముఖం కాస్త జిడ్డుగా ఉంటేనే దాన్ని వదిలించుకోవడానికి పదే పదే కడుక్కుంటాం. అలాంటిది నూనెతో ముఖాన్ని శుభ్రపరచుకోవడమంటే అదేదో వింతగా చూసి ఆమడదూరం పరిగెత్తుతాం. నిజానికి ఆయిల్‌ క్లెన్సింగ్‌తో చర్మానికి అనేక ప్రయోజనాలున్నాయని చెబుతున్నారు సౌందర్య నిపుణులు. ముఖంపై మొటిమల్ని తగ్గించడం దగ్గర్నుంచి చర్మ ఛాయను పెంచే దాకా; మేకప్‌ను తొలగించడం దగ్గర్నుంచి చర్మానికి తేమనందించే దాకా.. ఇలా చెప్పుకుంటూ పోతే ఈ సౌందర్య పద్ధతితో ప్రయోజనాలు బోలెడన్ని ఉన్నాయి. మరి, ఇంతకీ ముఖంపై పేరుకున్న నూనెల్ని తొలగించడం తెలుసు కానీ ఏకంగా నూనెతోనే ముఖాన్ని ఎలా శుభ్రం చేసుకుంటారు? అందుకోసం ఏయే నూనెల్ని ఉపయోగించచ్చు? ఈ పద్ధతి ద్వారా ఇంకా ఎలాంటి ప్రయోజనాలు చేకూరతాయి? తెలుసుకోవాలంటే ఇది చదవాల్సిందే!

Know More

women icon@teamvasundhara
beauty-benefits-of-calamine-lotion-in-telugu

క్యాలమైన్‌తో కళ్లు చెదిరే అందం..!

అందం కోసం వివిధ రకాల సౌందర్య ఉత్పత్తులు ఉపయోగించడం మనలో చాలామందికి అలవాటే..! అయితే వీటిలో కొన్ని ఉత్పత్తులు చర్మాన్ని తాత్కాలికంగా అందంగా కనిపించేలా చేస్తే.. మరికొన్ని మాత్రం మన అందాన్ని పెంపొందించుకునేేందుకు సాయపడేవిగా ఉంటాయి. కానీ క్యాలమైన్ లోషన్ రెండు రకాలుగానూ పనిచేస్తూ చర్మ వర్ఛస్సును మరింత పెంచుకునేందుకు తోడ్పడుతుంది. క్రీస్తుపూర్వం నుంచి ఇప్పటివరకూ దీన్ని మహిళలు తమ సౌందర్య పరిరక్షణలో భాగంగా ఉపయోగిస్తున్నారంటే దీని విలువేంటో అర్థం చేసుకోవచ్చు. అలాంటి క్యాలమైన్ లోషన్‌ని మన బ్యూటీకిట్‌లో చేర్చుకోవడం ద్వారా ఎన్నో ప్రయోజనాలను పొందే వీలుంటుంది. ఇంతకీ ఈ క్యాలమైన్ లోషన్ మన సౌందర్య పరిరక్షణకి ఎలా ఉపయోగపడుతుందో తెలుసుకుందాం రండి..

Know More

women icon@teamvasundhara
simple-beauty-secrets-from-sri-lanka

సింహళ సౌందర్యం రహస్యాలివే!

కాలమేదైనా అమ్మాయిలకు పలు చర్మ సమస్యలు మాత్రం కామన్. అందులో మొటిమలు, చర్మం పొడిబారిపోయి నిర్జీవమైపోవడం.. వంటివి ఈ కాలపు అమ్మాయిలను మరింతగా వేధిస్తున్నాయని చెప్పుకోవచ్చు. అయితే వీటిని తక్షణమే తగ్గించుకోవాలనే ఉద్దేశంతో మార్కెట్లో దొరికే వివిధ రకాల క్రీముల్ని రాసుకుంటారు చాలామంది. అది సమస్యను పెంచుకోవడమే తప్ప తగ్గించేందుకు అస్సలు ఉపయోగపడదు. అందుకే ఇలాంటి సమస్యల్ని తగ్గించుకొని తమ అందాన్ని ఇనుమడింపజేసుకోవడానికి తరతరాలుగా వస్తోన్న సహజసిద్ధమైన సౌందర్య పద్ధతులపైనే ఆధారపడతారు శ్రీలంకన్ మహిళలు. అందుకే వారి లావణ్యాన్ని పొగడడానికి మాటలు సరిపోవు అనేది అక్కడి సౌందర్య నిపుణుల అభిప్రాయం. ఇందుకు ప్రత్యక్ష ఉదాహరణే శ్రీలంకన్ బ్యూటీగా ఫ్యాన్స్ ముద్దుగా పిలుచుకునే జాక్వెలిన్ ఫెర్నాండెజ్. అవడానికి సింహళ సుందరే అయినా.. తన సొగసు-సోయగంతో, నటనతో భారతీయులకు బ్యూటీ ఐకాన్‌గా మారిపోయిందీ సొగసరి. అలా జాక్వెలిన్ లాంటి అందాల తారలతో మిళితమైన శ్రీలంకన్ దేశపు మగువల సౌందర్య రహస్యాలేంటో ఇప్పుడు తెలుసుకుందాం రండి..

Know More

women icon@teamvasundhara
beauty-secrets-behind-brazil-women-in-telugu

ఈ సూపర్ మోడల్స్ సూపర్బ్ బ్యూటీ సీక్రెట్స్ ఏంటో తెలుసా?

పచ్చపచ్చని ప్రకృతి సౌందర్యానికే కాదు.. దాన్ని తలదన్నే అందాల రాశులున్న అద్భుతమైన నగరాల్లో బ్రెజిల్ ఒకటి. లేలేత చర్మం, వెండి వెన్నెలను తలపించే ముఖం, జాలువారే కురులు, సోగకళ్లు.. వీటన్నింటికీ కేరాఫ్ అడ్రస్‌గా నిలుస్తుంటారు అక్కడి ముద్దుగుమ్మలు. అందుకే ప్రపంచంలోనే అత్యుత్తమమైన సూపర్ మోడల్స్ ఉన్న దేశంగా బ్రెజిల్‌ను పేర్కొంటారు. అడ్రియానా లిమా, అలెసాండ్రా ఆంబ్రోసియో, గిసెల్లే బుండ్‌చెన్.. తదితరులు ఆ కోవకు చెందిన వారే. మరి, వారు ఇంత అందంగా ఉండడానికి రోజూ ఎక్కువ సమయాన్ని పార్లర్‌కి కేటాయించడం, బోలెడంత డబ్బు ఖర్చు పెట్టి సౌందర్య చికిత్సలు చేయించుకోవడమేనేమో.. అనుకుంటే పొరపడినట్లే!! ఎందుకంటారా.. ప్రకృతి ప్రసాదించిన ఎన్నో పదార్థాలనే తమ అందాన్ని పరిరక్షించుకోవడానికి ఉపయోగిస్తుంటారు బ్రెజిలియన్ మహిళలు. అందుకే వయసు పెరుగుతోన్నా వన్నె తరగని అందంతో అందరినీ కట్టిపడేస్తున్నారు. మరి, బ్రెజిలియన్ భామల సౌందర్య రహస్యాలేంటో మనమూ తెలుసుకుందామా.. అయితే రండి..

Know More

women icon@teamvasundhara
sonam-kapoor-shares-simple-tips-for-nourishing-hair-in-telugu

నా జుట్టు ఆరోగ్య రహస్యమదే!!

అందమంటే బయటికి కనిపించేది కాదు.. లోలోపలి నుంచి సంపూర్ణ పోషణ అందినప్పుడే శాశ్వతమైన సౌందర్యం సొంతమవుతుందంటోంది బాలీవుడ్‌ ఫ్యాషనిస్టా సోనమ్‌ కపూర్‌. చర్మ సౌందర్యం, జుట్టు ఆరోగ్యం గురించి పలు చిట్కాల్ని వివరిస్తూ ఇన్‌స్టా వేదికగా తరచూ పోస్టులు పెట్టే ఈ సొగసరి.. తాజాగా హెయిర్‌ కేర్‌కు సంబంధించిన ఓ సింపుల్‌ చిట్కాను పంచుకుంది. ‘వ్యానిటీ విన్యెట్స్‌’ పేరుతో నిర్వహిస్తోన్న బ్యూటీ సిరీస్‌లో భాగంగా ఇప్పటికే పలు వీడియో పోస్టులు షేర్‌ చేసిన సోనమ్‌.. ఇప్పుడు ఇదే వేదికగా తన హెయిర్‌ కేర్‌ సీక్రెట్‌ని బయటపెట్టింది. మరి, అదేంటో మనమూ తెలుసుకుందాం రండి..

Know More

women icon@teamvasundhara
surprising-benefits-of-using-a-wooden-comb-for-your-hair-and-scalp

మీరు ఏ దువ్వెన వాడుతున్నారు?

సాధారణంగా జుట్టు దువ్వుకోవడానికి మీరు ఏ దువ్వెన వాడతారు? అయినా అదేం ప్రశ్న.. అది అందరూ వాడేదేగా.. ప్లాస్టిక్‌ దువ్వెన! అంటారా? అది నిజమే అనుకోండి.. కానీ ప్లాస్టిక్ దువ్వెన వల్ల పర్యావరణానికే కాదు.. జుట్టుకూ నష్టమేనంటున్నారు సౌందర్య నిపుణులు. ముఖ్యంగా ప్లాస్టిక్‌లో ఉండే ధనావేశం, జుట్టులో ఉండే రుణావేశంతో ఆకర్షితమై జుట్టు ఆరోగ్యాన్ని దెబ్బతీస్తుందని సైన్స్‌ చెబుతోంది. అందుకే ప్లాస్టిక్‌ దువ్వెనతో దువ్వేటప్పుడు జుట్టు దువ్వెనకు అతుక్కుపోవడం మనం గమనిస్తూనే ఉంటాం.. అయినా ఇప్పుడీ సైన్స్‌ గోల మనకెందుకు గానీ.. జుట్టు సమస్యల్ని తొలగించి కేశ సౌందర్యం రెట్టింపు చేసుకోవాలంటే ప్లాస్టిక్‌కి బదులుగా చెక్కతో చేసిన దువ్వెనే సరైందంటున్నారు నిపుణులు. అందుకూ ఓ కారణముంది.. అదేంటంటే.. చెక్క విద్యుత్తును ప్రసరింపజేయదు కాబట్టి జుట్టుకు ఎలాంటి డ్యామేజ్‌ జరగదట! ఇదే కాదు.. చెక్కతో తయారుచేసిన దువ్వెన వాడడం వల్ల జుట్టుకు ఇంకా ఎలాంటి ప్రయోజనాలు చేకూరతాయో తెలుసుకుందాం రండి...

Know More

women icon@teamvasundhara
dominican-republic-natural-beauty-secrets-in-telugu

సంపూర్ణ సౌందర్యానికి 'సహజ' మంత్రమేస్తున్నారు!

అందమంటే మనందరికీ ముందుగా గుర్తొచ్చేది ముఖ సౌందర్యమే. ఈ క్రమంలో జుట్టు, గోళ్లు, పాదాల్ని మనం పెద్దగా పట్టించుకోం. కానీ నఖశిఖపర్యంతం అందంగా ఉన్నప్పుడే అది సంపూర్ణ సౌందర్యమవుతుంది.. అంటున్నారు డొమినికన్ రిపబ్లిక్ దేశానికి చెందిన ముద్దుగుమ్మలు. జుట్టు దగ్గర్నుంచి కొనగోటి వరకు తాము అందంగా మెరిసిపోవడానికి ప్రాధాన్యమిస్తామని, అందుకోసం పార్లర్ల వెంట పరుగులు తీయడం కాకుండా ఇంట్లో లభించే సహజసిద్ధమైన సౌందర్య ఉత్పత్తుల్నే వినియోగిస్తామని చెబుతున్నారు. అలాంటి అందమే ఎప్పటికీ శాశ్వతంగా ఉండిపోతుందని ఇతర దేశాల మగువలందరికీ బ్యూటీ పాఠాలు నేర్పుతున్నారు. మరి, డొమినికన్ అతివల న్యాచురల్ బ్యూటీ వెనకున్న ఆ సీక్రెట్లేంటో మనమూ తెలుసుకుందాం రండి..

Know More

women icon@teamvasundhara
shraddha-spilled-the-beans-on-using-toothpaste-to-tackle-acnes-on-her-face-do-you-know-other-beauty-hacks-of-toothpaste?

ముఖంపై మొటిమలొస్తే అలా తొలగించుకుంటా!

అందం విషయంలో అమ్మాయిలకున్న సమస్యేదైనా ఉందంటే అది మొటిమలే! ముఖంపై ఒక మొటిమ వస్తే చాలు.. దాన్ని పూర్తిగా తొలగించుకునే దాకా నిద్రే పట్టదు. గిల్లుతూ, ఏవేవో క్రీమ్స్ రాసుకుంటూ లేదంటే ఇంటి చిట్కాలు పాటిస్తూ ఎలాగోలా మొత్తానికి మొటిమల్ని దూరం చేసుకుంటుంటారు. అయితే ఈ సమస్య నుంచి విముక్తి పొందడానికి అంతగా కష్టపడక్కర్లేదంటోంది బాలీవుడ్‌ అందాల తార శ్రద్ధా కపూర్‌. ఒక చిన్న చిట్కాతో మొటిమల్ని తొలగించుకోవచ్చంటోంది. తానూ అదే టిప్‌ పాటిస్తానంటూ ఇటీవలే ఓ సందర్భంలో పంచుకుంది శ్రద్ధ. మరి, ఇంతకీ మొటిమల్ని మాయం చేసేందుకు శ్రద్ధ చెప్పిన ఆ బ్యూటీ టిప్‌ ఏంటో మనమూ తెలుసుకుందామా?

Know More

women icon@teamvasundhara
these-back-brushes-are-very-useful-to-us-in-telugu

వీటితో వీపు రుద్దుకోవడం వెరీ ఈజీ!

మేకప్ మనకు తాత్కాలికమైన అందాన్ని అందిస్తే.. మనం నిత్యం చేసే స్నానం మన చర్మాన్ని శుభ్రం చేసి చక్కటి మెరుపునిస్తుంది. ఈ మెరుపుని మరింత పెంపొందించుకోవడానికి ప్రస్తుతం చాలామంది అమ్మాయిలు బాత్ బ్రష్‌లను ఉపయోగిస్తున్నారు. మృదువైన బ్రిజిల్స్‌తో కూడిన ఈ బ్రష్‌లు చర్మ రంధ్రాల్లో పేరుకుపోయిన జిడ్డును తొలగించడంతో పాటు చర్మానికి మసాజ్‌లాగా ఉపయోగపడతాయి. అయితే ఇలా మనం స్నానం చేసేటప్పుడు ఉపయోగించే బాత్ బ్రష్‌లలో కొన్ని వీపు రుద్దుకోవడానికి వీలుగా ఉండవు. మరి, చేత్తో నేరుగా రుద్దుకుందామంటే మన వీపు మనకు అందదు. అందుకే ఈ పనిని మరింత సులభతరం చేయడానికి వీలుగా బోలెడన్ని 'బ్యాక్ బ్రష్'లు మార్కెట్లోకొచ్చేశాయి. ఇవి వీపును శుభ్రం చేయడమే కాదు.. వీటికుండే మృదువైన బ్రిజిల్స్ వల్ల ఆ భాగంలో చక్కటి మసాజ్ కూడా అందుతుంది. మరి, వీపు రుద్దుకోవడానికి ప్రస్తుతం మార్కెట్లో కొలువుదీరిన బాత్ బ్రష్‌లేవి? అవి ఎలా ఉపయోగపడతాయి? తెలుసుకోవాలంటే ఇది చదవాల్సిందే!

Know More

women icon@teamvasundhara
curly-hair-winter-caring-guide-in-telugu

ఈ చలికాలంలో కర్లీ హెయిర్‌ని కాపాడుకోవడమెలా..?

మనం అందంగా మెరిసిపోవడంలో జుట్టుదీ కీలకపాత్రే అనడంలో ఎలాంటి సందేహం లేదు. అందుకే చాలామంది ఒత్త్తెన కేశసంపద కోసం ఆరాటపడుతుంటారు. అయితే వాతావరణంలోని పలు మార్పుల వల్ల జుట్టుపై ప్రతికూల ప్రభావం పడి, తద్వారా దాని ఆరోగ్యం దెబ్బతింటుంది. చలికాలంలోనైతే ఈ సమస్య మరింత తీవ్రంగా ఉంటుంది. ఈ చలిగాలులకు సాధారణ జుట్టే పొడిగా మారుతుందనుకుంటే.. ఇక నార్మల్‌గానే డ్రైగా అనిపించే కర్లీ హెయిర్ ఈ కాలంలో మరింత పొడిబారిపోతుంది. ఫలితంగా చుండ్రు, చివర్లు చిట్లిపోవడం, జుట్టు బాగా వూడిపోవడం.. వంటి పలు సమస్యలు తలెత్తుతాయి. మరి, ఈ కాలంలో వాటన్నింటి నుంచి దూరంగా ఉంటూ మన అందాన్ని పెంచే రింగుల జుట్టును కాపాడుకోవాలంటే కొన్ని చిట్కాలు పాటించాల్సిందే అంటున్నారు సౌందర్య నిపుణులు.. అవేంటో తెలుసుకుందామా..

Know More

women icon@teamvasundhara
mira-rajput-shares-her-natural-beauty-secrets-through-instagram-video

పెళ్లికి బ్రైడల్‌ ఫేషియల్‌ చేయించుకోలేదు.. ఈ న్యాచురల్‌ ప్యాక్‌ వాడాను!

సాధారణంగానే అందంగా మెరిసిపోవాలనుకునే మగువలు.. పెళ్లంటే తమ లావణ్యాన్ని రెట్టింపు చేసుకోవాలనుకుంటారు. ఇందుకోసం బ్రైడల్‌ ఫేషియల్స్‌ అంటూ పార్లర్ల వెంట పరుగులు పెడుతుంటారు. ఇక ఈ విషయంలో సెలబ్రిటీలు చేయించుకునే బ్యూటీ ట్రీట్‌మెంట్ల గురించి ప్రత్యేకంగా చెప్పనక్కర్లేదు. వేలకు వేలు డబ్బులు ఖర్చు పెట్టి నఖశిఖపర్యంతం తమ అందానికి మెరుగులు దిద్దుకోవడానికి వివిధ రకాల సౌందర్య చికిత్సలు తీసుకుంటుంటారు. అయితే తాను మాత్రం తన పెళ్లికి బ్రైడల్‌ ఫేషియల్‌ చేయించుకోలేదని అంటోంది బాలీవుడ్‌ హ్యాండ్‌సమ్‌ హీరో షాహిద్‌ కపూర్‌ సతీమణి మీరా రాజ్‌పుత్‌. దీనికి బదులు తాను వాడిన ఓ సహజసిద్ధమైన ఫేస్‌ప్యాక్‌ తనకు బ్రైడల్‌ గ్లోని తీసుకొచ్చిందని చెబుతోంది. అంతేకాదు.. తన అందానికి మెరుగులద్దుకునే విషయంలో సహజసిద్ధమైన పదార్థాలకే ప్రాధాన్యమిస్తానంటూ తను పాటించే పలు సౌందర్య చిట్కాలను వీడియోగా రూపొందించి ఇన్‌స్టాలో పోస్ట్‌ చేసిందీ సెలబ్రిటీ వైఫ్‌. మరి, మీరా అందం వెనకున్న ఆ న్యాచురల్‌ బ్యూటీ సీక్రెట్స్‌ ఏంటో మనమూ తెలుసుకుందాం రండి..

Know More

women icon@teamvasundhara
these-spa-treatments-for-beautiful-skin-and-warm-you-up-in-winter

వీటితో చలికాలంలోనూ అందంగానే ఉందాం!

కాలమేదైనా అందంగా మెరిసిపోవాలని అమ్మాయిలు ఆరాటపడడం సహజం. అందుకోసమే ఇటు ఇంట్లో సహజసిద్ధమైన సౌందర్య చికిత్సల్ని ఫాలో అవుతూనే అటు బ్యూటీ పార్లర్లను కూడా ఆశ్రయిస్తుంటారు. అయినప్పటికీ ఆయా కాలాల్లో ఎదురయ్యే వాతావరణ పరిస్థితులు అతివల సౌందర్యాన్ని దెబ్బతీస్తూనే ఉంటాయి. ఇక ప్రతికూల వాతావరణ పరిస్థితులు ఉండే చలికాలంలో అయితే ఈ సమస్యలు మరింత తీవ్రమవుతుంటాయి. పొడి చర్మం, మడమల్లో పగుళ్లు, జుట్టు నిర్జీవమవడం.. వంటి ఎన్నో సౌందర్య సమస్యలు ఈ కాలంలో అమ్మాయిల పాలిట శాపంగా మారుతున్నాయి. అందుకే వీటన్నింటి నుంచి బయటపడడంతో పాటు ఈ కాలంలో శరీరానికి వెచ్చదనాన్ని అందించడానికి కొన్ని సహజసిద్ధమైన స్పా ట్రీట్‌మెంట్లు ఉత్తమం అని చెబుతున్నారు సౌందర్య నిపుణులు. అంతేకాదు.. వీటివల్ల పలు ఆరోగ్య ప్రయోజనాలు కూడా చేకూరుతాయట! మరి, అవేంటో తెలుసుకొని మనమూ వాటిని ఫాలో అవుదాం రండి..

Know More

women icon@teamvasundhara
tomatoes-for-clear-skin-in-telugu
women icon@teamvasundhara
home-remedies-to-get-rid-of-dull-skin-in-winter

డల్ స్కిన్‌ని ప్రకాశవంతంగా మార్చే ప్యాక్స్ ఇవే..!

చలికాలం వచ్చిందంటే చాలు.. రకరకాల చర్మసమస్యలను కూడా మోసుకొస్తుంది. ఫలితంగా పొడిబారిన చర్మం నిర్జీవంగా మారిపోయి ముఖమంతా కాంతివిహీనంగా తయారవుతుంది. మరి, ఈ సమస్యల నుంచి బయటపడి చర్మాన్ని సంరక్షించుకుంటేనే కదా వేసవి కాలంలో తలెత్తే సమస్యలకు అడ్డుకట్ట వేసే అవకాశం ఉంటుంది. లేదంటే పుండు మీద కారం చల్లినట్లు ఇంకొన్ని కొత్త సమస్యలు కూడా వచ్చి పడతాయి. కాబట్టి శీతాకాలం పూర్తయ్యే లోపు సంబంధిత చర్మ సమస్యలను కూడా పరిష్కరించుకోవాల్సి ఉంటుంది. ఈ నేపథ్యంలో ఇంట్లో లభ్యమయ్యే పదార్థాలతో తయారుచేసుకొని ఉపయోగించే కొన్ని ప్యాక్స్ గురించి మనమూ తెలుసుకుందాం రండి..

Know More

women icon@teamvasundhara
sonam-kapoor-uses-these-three-natural-ingredients-to-scrub-her-lips

నా అధరాల మెరుపుకి కారణమదే!

ముద్దుగుమ్మల్ని స్క్రీన్‌ మీద చూడగానే ‘అబ్బ.. ఈ బ్యూటీ ఎంత అందంగా ఉందో’ అనుకుంటాం.. మేకప్‌ మహిమతో ఇంత క్యూట్‌గా మెరిసిపోవచ్చా.. అని ఆశ్చర్యపోయేవారూ ఉన్నారనుకోండి. అయితే వారు ఇంత అపురూప లావణ్యాన్ని సొంతం చేసుకోవడం వెనుక మేకపే కాదు.. సహజసిద్ధమైన సౌందర్య చిట్కాలూ ఉన్నాయ్‌! ఈ క్రమంలోనే చాలామంది నటీమణులు అప్పుడప్పుడూ తమ న్యాచురల్‌ బ్యూటీ సీక్రెట్స్‌ని సోషల్‌ మీడియా ద్వారా తమ అభిమానులతో పంచుకుంటూ బ్యూటీ పాఠాలు నేర్పుతుంటారు. తాజాగా బాలీవుడ్‌ ఫ్యాషనిస్టా సోనమ్‌ కపూర్‌ కూడా అదే చేసింది. తన అధరాల మెరుపుకి కారణమైన న్యాచురల్‌ చిట్కాలేంటో ఇన్‌స్టా వేదికగా పంచుకుందీ సొగసరి. ‘వ్యానిటీ విన్యెట్స్‌’ పేరుతో నిర్వహిస్తోన్న బ్యూటీ సిరీస్‌లో భాగంగా తన సౌందర్య రహస్యాల్ని బయటపెడుతోన్న ఈ క్యూటీ తన లిప్‌ కేర్‌ గురించి ఏం చెబుతోందో తెలుసుకుందాం రండి..

Know More

women icon@teamvasundhara
try-these-packs-for-smooth-and-red-lips

ఈ ప్యాక్స్‌తో మీ పెదాలు మెరుస్తాయి..!

'అబ్బా.. చలికాలం వచ్చిందంటే చాలు.. ఈ పెదాలను చూడలేం.. వీటిని ఏం చేసినా మళ్లీ మామూలుగా అవ్వవు..' అంటూ చిరాకు పడుతోంది స్నిగ్ధ. సాధారణంగా చలికాలంలో గాలిలో తేమ శాతం తగ్గిపోతుంది. దీంతో చర్మం కూడా తేమను కోల్పోయి పగిలినట్లుగా తయారవుతుంది. ముఖ్యంగా పెదాల్లాంటి సున్నిత భాగాలైతే మరీనూ.. ఇది అందరిలో ఎదురయ్యే సమస్యే అయినా కొందరిలో మరీ ఎక్కువగా ఉంటుంది. మరి, చలికాలంలో పగిలి, నల్లబడిన పెదాలను తిరిగి మామూలు స్థితికి తీసుకురావడం ఎలా అనుకుంటున్నారా? లిప్ ప్యాక్స్‌తో ఇది సాధ్యమే.. మరి, ఇంట్లోనే సహజంగా దొరికే పదార్థాలతో అలాంటి లిప్ ప్యాక్స్ వేసుకోవడం ఎలాగో తెలుసుకుందాం రండి..

Know More

women icon@teamvasundhara
winter-hair-care-tips-for-dry-hair
women icon@teamvasundhara
these-spa-treatments-for-beautiful-skin-and-warm-you-up-in-winter

వీటితో చలికాలంలోనూ అందంగానే ఉందాం!

కాలమేదైనా అందంగా మెరిసిపోవాలని అమ్మాయిలు ఆరాటపడడం సహజం. అందుకోసమే ఇటు ఇంట్లో సహజసిద్ధమైన సౌందర్య చికిత్సల్ని ఫాలో అవుతూనే అటు బ్యూటీ పార్లర్లను కూడా ఆశ్రయిస్తుంటారు. అయినప్పటికీ ఆయా కాలాల్లో ఎదురయ్యే వాతావరణ పరిస్థితులు అతివల సౌందర్యాన్ని దెబ్బతీస్తూనే ఉంటాయి. ఇక ప్రతికూల వాతావరణ పరిస్థితులు ఉండే చలికాలంలో అయితే ఈ సమస్యలు మరింత తీవ్రమవుతుంటాయి. పొడి చర్మం, మడమల్లో పగుళ్లు, జుట్టు నిర్జీవమవడం.. వంటి ఎన్నో సౌందర్య సమస్యలు ఈ కాలంలో అమ్మాయిల పాలిట శాపంగా మారుతున్నాయి. అందుకే వీటన్నింటి నుంచి బయటపడడంతో పాటు ఈ కాలంలో శరీరానికి వెచ్చదనాన్ని అందించడానికి కొన్ని సహజసిద్ధమైన స్పా ట్రీట్‌మెంట్లు ఉత్తమం అని చెబుతున్నారు సౌందర్య నిపుణులు. అంతేకాదు.. వీటివల్ల పలు ఆరోగ్య ప్రయోజనాలు కూడా చేకూరుతాయట! మరి, అవేంటో తెలుసుకొని మనమూ వాటిని ఫాలో అవుదాం రండి..

Know More

women icon@teamvasundhara
follow-these-tips-while-washing-your-face-according-to-your-skin-type
women icon@teamvasundhara
these-pedicure-gadgets-are-very-useful-to-us-in-telugu

ఈ గ్యాడ్జెట్స్‌తో మీ పాదాలు పదిలం!

అందమంటే.. కేవలం ముఖం, జుట్టుని సంరక్షించుకుంటే సరిపోదు.. చేతులు, కాళ్లు, పాదాల్ని కూడా ఆరోగ్యంగా ఉంచుకోవాలి. అప్పుడే సంపూర్ణ సౌందర్యం ఇనుమడిస్తుంది. అయితే పాదాలే కదా.. అని చాలామంది వాటి విషయంలో నిర్లక్ష్యంగా వ్యవహరిస్తుంటారు. తద్వారా వాతావరణ కాలుష్యం, దుమ్ము-ధూళి పాదాలపైకి చేరి అక్కడి చర్మాన్ని నిర్జీవంగా మారుస్తున్నాయి. ఫలితంగా పాదాలు, మడమలపై మృతకణాలు పెరిగిపోయి ఆనెలు ఏర్పడడం, చర్మం వూడిపోవడం.. వంటి సమస్యలు తలెత్తుతున్నాయి. పైగా రాబోయే చలికాలంలో చాలామంది మహిళలకు మడమల్లో పగుళ్లు ఏర్పడుతుంటాయి. మరి, ఇలాంటి పాదాలు, మడమల సమస్యల్ని తగ్గించుకొని వాటి అందాన్ని సంరక్షించుకోవడానికి ప్రస్తుతం బోలెడన్ని గ్యాడ్జెట్లు మార్కెట్లోకొచ్చేశాయి. ఇంతకీ అవేంటి? పాదాల అందం, ఆరోగ్యం విషయంలో అవెలా ఉపయోగడతాయి? రండి.. తెలుసుకుందాం..

Know More

women icon@teamvasundhara
ways-to-overcome-pigmentation-in-pregnancy

ప్రెగ్నెన్సీలో పిగ్మెంటేషన్‌కు 14 చిట్కాలు!

గర్భం ధరించడం ప్రతి మహిళకూ ఓ వరం. అయితే ఆ సమయంలో ఎదురయ్యే ఒత్తిడి, ఆందోళనల వల్ల శరీరంలో హార్మోన్ల అసమతుల్యం, ఎక్కువ మొత్తంలో హార్మోన్లు ఉత్పత్తవడం వంటివి సహజం. తద్వారా పలు శారీరక మార్పులు జరగడంతో పాటు కొన్ని సమస్యలు కూడా ఎదురవుతుంటాయి. వీటిలో పిగ్మెంటేషన్ కూడా ఒకటి. నుదురు, బుగ్గలపై నల్లటి మచ్చల్లాగా వచ్చే ఈ సమస్య వల్ల ముఖం నిర్జీవమైపోయినట్లుగా, అందవిహీనంగా కనిపిస్తుంది. మరి, ఈ సమస్య నుంచి బయటపడడానికి ఏవైనా సౌందర్య సాధనాలు వాడదామా అంటే వాటిలో ఉండే రసాయనాలు కడుపులో పెరిగే బిడ్డపై ఎక్కడ ప్రతికూల ప్రభావం చూపుతాయో అన్న భయం కాబోయే తల్లుల్ని వెంటాడుతుంది. ఈ క్రమంలో ఈ సమస్య నుంచి విముక్తి పొందడానికి ఇంట్లో లభించే కొన్ని సహజసిద్ధమైన పదార్థాలు ఉపయోగపడతాయంటున్నారు సౌందర్య నిపుణులు. వాటిని ఎలా ఉపయోగించాలో తెలుసుకొని డాక్టర్ సలహా మేరకు వాటిని వాడితే ఈ సమస్య నుంచి ఇట్టే ఉపశమనం కలుగుతుంది.

Know More

women icon@teamvasundhara
egg-packs-for-healthy-hair

ఈ ప్యాక్స్‌తో చలికాలంలోనూ కురులు ఆరోగ్యంగా..

వెంట్రుకలు బలంగా, ఒత్తుగా పెరగాలంటే అందుకు ప్రొటీన్ ఎంతో అవసరం అన్న విషయం ప్రత్యేకించి చెప్పాల్సిన పనిలేదు. మరి, అది పుష్కలంగా లభించే కోడిగుడ్డును ఆహారంలో భాగం చేసుకోవడంతోపాటు దాంతో కొన్ని హెయిర్‌ప్యాక్స్ తయారుచేసుకొని ఉపయోగిస్తే జుట్టు మరింత ఆరోగ్యంగా, దృఢంగా మారుతుంది. ముఖ్యంగా ఈ చలికాలంలో జుట్టు విషయంలో ఎదురయ్యే చుండ్రు, నిర్జీవంగా మారడం.. వంటి సమస్యలకూ గుడ్లు చక్కటి పరిష్కారాన్ని చూపుతాయి. ఇంతకీ కోడిగుడ్డుతో ఇంట్లోనే లభించే పదార్థాలను కలిపి తయారుచేసుకునే ఈ హెయిర్‌ప్యాక్స్ ఏంటి? అవి జుట్టు ఆరోగ్యానికి ఏవిధంగా దోహదం చేస్తాయి.. వంటి విషయాలన్నీ మీకోసం..

Know More

women icon@teamvasundhara
7-simple-steps-to-do-facial-at-home-in-telugu

ఇంట్లోనే ఫేషియల్... మిలమిల మెరిసే అందం మీ సొంతమిలా..!

అందంగా కనిపించాలని, తన ముఖంపై ఎలాంటి మచ్చలు, మొటిమలు లేకుండా మెరిసిపోవాలని ఏ అమ్మాయికి ఉండదు చెప్పండి. అందుకోసమే రకరకాల క్రీములు, సౌందర్య సాధనాల్ని వాడుతున్నారు ఈ తరం అమ్మాయిలు. అయితే మరికొందరు ఫేషియల్స్ కోసం బ్యూటీ పార్లర్ల బాట పడుతుంటారు. ఎంతో ఖర్చుపెట్టి మరీ రకరకాల ఫేషియల్స్ చేయించుకుంటారు. మరి, ఇలాంటి అధిక ఖర్చుతో పని లేకుండా మీరెప్పుడైనా ఫేషియల్‌ని ఇంట్లోనే ట్రై చేశారా? లేదా? అయితే ఈసారి ట్రై చేసి చూడండి. బ్యూటీ పార్లర్లలో వేల కొద్దీ డబ్బు ఖర్చు పెట్టే బదులు తక్కువ ఖర్చుతో, అది కూడా సహజసిద్ధంగా లభించే పదార్థాలతో ఇంట్లోనే సులభంగా ఫేషియల్ చేసుకోవచ్చు. మాకంత టైం లేదంటారా? అందుకోసం ఎక్కువ సమయం వెచ్చించాల్సిన పని కూడా లేదు.. బ్యూటీ పార్లర్‌కి వెళ్లే సమయాన్ని ఇంట్లో ఫేషియల్ చేసుకోవడానికి కేటాయిస్తే సరిపోతుంది. ఈ నేపథ్యంలో ఇంట్లోనే ఫేషియల్ చేసుకోవడమెలాగో ఇప్పుడు చూద్దాం..

Know More

women icon@teamvasundhara
things-you-must-do-before-during-and-after-a-bath-in-winter

చలికాలంలో ఇలా స్నానం చేస్తే చర్మం పొడిబారదు!

చలికాలం మొదలైందంటే వింధ్యకు నరకమే! అటు చర్మం పొడిబారిపోవడంతో పాటు ఇటు పాదాల్లో పగుళ్లతో తెగ ఇబ్బంది పడిపోతుంటుందామె. సంధ్యదీ ఇదే పరిస్థితి. వేసవి కాలంలో జిడ్డుగా మారే తన చర్మం చలికాలంలో మాత్రం పొడిబారిపోయి కళ తప్పుతుందని తెగ బాధపడుతుందామె. ఇలా చలికాలం వచ్చిదంటే చాలు.. చాలామంది ఎదుర్కొనే సౌందర్య సమస్య చర్మం పొడిబారిపోవడం. అయితే దీన్నుంచి విముక్తి పొందడానికి మాయిశ్చరైజర్‌ రాసుకోవడం, బయట దొరికే క్రీమ్‌లు వాడడం.. వంటివి చేస్తుంటారు. కానీ ఇవన్నీ తాత్కాలిక ఉపశమనమే అందిస్తాయంటున్నారు సౌందర్య నిపుణులు. ఈ సమస్యకు శాశ్వత పరిష్కారం కావాలంటే రోజూ స్నానం చేసే క్రమంలో కొన్ని చిన్నపాటి జాగ్రత్తలు తీసుకోవాలని సూచిస్తున్నారు. మరి, ఇంతకీ ఏంటా చిట్కాలు? రండి.. మనమూ తెలుసుకొని పాటించేద్దాం..!

Know More

<