సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Movie Masala

Video Gallery

 

నా ముఖంపై జిడ్డుదనం తగ్గాలంటే ఏం చేయాలి?

నా ముఖంపై ఎక్కువ నల్ల మచ్చలున్నాయి. ఎనిమిది నెలల క్రితం నాకు పొంగు చూపింది. అప్పటినుంచి ముఖం ఎప్పుడూ జిడ్డుగా కనిపిస్తుంది. దీనికి పరిష్కారం ఏమైనా ఉంటే చెప్పండి. - ఓ సోదరి


శోభారాణి

బ్యూటీ ఎక్స్‌పర్ట్

పొంగు చూపిన తర్వాత మీ ముఖం ఎప్పుడూ జిడ్డుగా కనిపిస్తుందని రాశారు. అందుకే ముందుగా మీ ముఖంపై ఉండే జిడ్డును తొలగించుకోవడానికి సహజసిద్ధమైన ఫేస్‌ప్యాక్‌ వేసుకోవాలి. ఇందుకోసం అర టేబుల్‌స్పూన్‌ చొప్పున చందనం, ముల్తానీ మట్టి తీసుకొని.. ఈ రెండింటినీ రోజ్‌వాటర్‌లో కలుపుకుంటూ ప్యాక్‌లా తయారుచేసుకోవాలి. ఈ మిశ్రమాన్ని ముఖంపై అప్లై చేసుకొని పదిహేను నుంచి ఇరవై నిమిషాల పాటు అలాగే ఉంచుకోవాలి. ఆపై చల్లటి నీటితో కడిగేసుకోవాలి. ఇలా చేయడం వల్ల ముఖంపై ఉండే జిడ్డుదనం తొలగిపోతుంది.

అలాగే మీ ముఖంపై ఉన్న నల్ల మచ్చల్ని తొలగించుకోవడానికి మంచి నాణ్యమైన తేనె తీసుకోవాలి. దీన్ని నల్ల మచ్చలున్న చోట నేరుగా అప్లై చేసుకొని పదిహేను నుంచి ఇరవై నిమిషాల పాటు అలాగే ఉంచుకోవాలి. ఇలా రోజూ క్రమం తప్పకుండా చేయడం వల్ల ఆ నల్ల రంగు మచ్చలు తేనె రంగులోకి మారతాయి. ఆపై క్రమక్రమంగా చర్మ రంగులో కలిసిపోతాయి. అయితే ఈ మచ్చలు అంత త్వరగా తగ్గవు కాబట్టి.. ఓపిగ్గా నెల రోజుల పాటు క్రమం తప్పకుండా ఈ చిట్కా పాటిస్తే చక్కటి ఫలితం ఉంటుంది.




Post Your Comment Here

(Press ctrl+g to switch(English/Telugu))

మీ ప్రశ్న అడగండి

(Press ctrl+g to switch(English/Telugu))